Domo ni Parofisai mai na Lotu i Kavitu VILIAME RAVAI | Monday, August 7, 2017

ESA koto oqo era na i kuri ni itukutuku ni Domo ni Parofisai mai na Lotu i Kavitu ni Lesu Vakarua Mai, ni wiliwili sara yani.

Vakatusa, Vakadodonutaka na veika e cala

4. Ni da sa veivutuni, a cava na i kabakaba e tarava?

?Ia, oqo mo ni vakatusa vei Jiova na Kalou.? Esera 10:11.

Kevaka eda sa vakatusa na noda i valavala ca sa yalo dina ka yalo dodonu ko Koya me bokoca na noda i valavala ca ka vakasavasavataki keda mai na ka kecega sa sega ni dodonu.? 1 Joni 1:9.

Vakatusa na nomu i valavala ca Vua na Kalou ka kerei Koya me vukei iko. Sa yalataka oti tu ko Koya me na vukei iko mo lako vakadodonu ka savasava.

E se sega beka ni ko ni se bau vakatusa vakadua na nomu i valavala ca.

Na Kalou duadua ga e na rawa me vukei iko kevaka ko kerea Vua ena masu. Kakua ni wawa.

E na sega ni rawa me vukei iko tale e dua. Na Kalou ga e na bokoca na nomu i valavala ca.

Ni ko vakatusa, ko sa kerea tiko Vua na Kalou me bokoca na nomu i valavala ca. Oqo e dua na i kabakaba bibi e na noda vinakata na bula.

5. Ke so na ka ca eda vakayacora vua na wekada, a cava e dodonu me da vakayacora?

?Dou dui vakatusa na nomudou i valavala ca.? Jemesa 5:16.

Kevaka ko taura vakaveitalia, lasutaka se ko vakayacora e dua na ka ca vua e dua, e dodonu mo la?ki vakatusa vua na cala ko ya ka vakasuka vua na ka ko butakoca, ka vakadodonutaka taucoko sara vua na veika ko cala kina.

Kerea ka masulaka Vua na Kalou me vosoti iko e na ka ko vakayacora.

Na Kalou e dau veivosoti

6. A cava e yalataka na Kalou ni na vakayacora e na noda ca eda sa vakatusa?

?E na mai lomani keda tale ko koya, e na butuka sobu na noda caka cala; ia ko ni na biuta ki na wasa titobu na nodra i valavala ca kecega.? Maika 7:19.

Na Kalou e na bokoca, ka guilecava vakadua na nomu i valavala ca me vaka na nona vosa ni yalayala.

E na vaka ga na titobu ni wasawasa titobu na yawa ni vanua ena biuta kina na Kalou, ka na sega ni nanuma tale.

7. Ni da sa veivutuni a cava ena vakayacora na Kalou e na noda i valavala ca?

?Koi au, io koi au ga, ka?u sa bokoca na nomu talaidredre ena vukuqu, ka?u sa sega ni nanuma tiko na nomu i valavala ca.? Aisea 53:25.

?Sa kalougata ko ira sa bokoci na nodra i valavala ca, a sa buluti na nodra caka cala.? Roma 4:7.

Na Kalou e na bokoca na noda i valavala ca e baleta ni a mate ko Jisu ena vuku ni noda i valavala ca.

E kaya ko koya, ?au na sega ni nanuma tale.?

Io na Kalou ena bokoca ka guilecava ka raici keda sara talega me vaka eda sa tamata vou.

Sa na guilecava vakadua na gauna sa oti ka laivi keda me da tekivutaka e dua na bula vou.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.