Taro i vakasala: Gavoka VILIAME GAVOKA | Monday, August 7, 2017

ENA noda veiwasei ena macawa oqo, me baleta na veivakailavotaki ni kawa iTaukei, au gadreva me?u vakabibitaka meda kakua ni yalana noda vaqara i vakasala; ka me titobu ka rabailevu na noda rai ka kakua na vakusakusa.

E vuna na noqu veiwasei tiko ena tikina oqo baleta ni sega sara ga kivei keda na kila, ka dredre talega meda kunei ira o ira era kila.

Eda curumi ira na vei vale ni volavola, ia, eda na kunea nida veipasitaki mai vei ira o ira eda nuitaki ira mera vukei keda ena noda vakabauta ni tiko vei ira na kila. Ia, meda kakua ni guce.

E dua na tikina ena veivuke, oya, au sa vakatututaka tiko e loma ni Palimedi me dua na Minisitiri me vakatokai ena yaca, Ministry for the Economic Empowerment of the iTaukei.

Au sa vakaraitaka oti na tikina oqo ena dua na veiwasei vakaoqo ena vica na gauna sa oti. Na minisitiri oqo ena vakatabaki dua sara ga kina na veika vakabisinisi baleti keda, ka ra lewena na kena dau dina, oya o ira na noda gone, se na kena dau mai na veimatatamata e da bula vata tu.

O ira oqo mera tu vakarau ena veiqaravi kivei keda ena noda bula vakabisinisi.

E vakaraitaka tiko na matanitu ni sa vitu na yabaki veitarataravi na tubu vakailavo ni noda matanitu ka dau vakatokai me ?economic growth?, ka da raica sara tiko ga ena veisiga, ia, eda taroga, se e vica mada e vakailavotaki keda tiko na kawa itaukei.

Ena macawa sa oti, e a dolavi kina e dua na i qaqi ni livaliva (biomass) e Navutu, Nadroga, ka tara ena $92 na milioni.

E vakaitamera na bisinisi oqo ka dodonu me veisautaka sara na nodra vakailavotaki o ira na wekada taukei.

Au a taroga e Palimedi se cava e soli wale kina e 25 na pasede ena sea ena bisinisi oqo kivei Tropic Woods, ka sega kivei ira na i taukei ni qele.

Era a mani gadreva na i taukei ni qele me vakadikeva na veika vakabisinisi e tarai ira ko iratou na lewe ni komiti ni Palimedi ena i yau bula (Committee on Natural Resources), ia, e sega ni vakatarai vakaPalimedi na kerekere oqo.

Ena noqu tikina e Cuvu, Nadroga, e dabe tiko kina e dua na otela vakaitamera, ka ratou vakasea kina na i taukei ni qele, ka nodratou talega e 3 na  pasede na ?gross receipts?; oya eratou wasei ena i lavo kecega e rawata ena veisiga na otela. E dodonu me vakatalega oya ena i qaqi ni livaliva e Navutu.

E dodonu me vakatalega oya na veibisinisi kece era dabe ena noda qele.

Na ka eda raica eke ni sa rui totolo na noda vakadonuya na veika oqo, se e sega ga kivei keda na kila.

Ena vica na vanua au veitalanoa kina, au rogoca ni o ira sara ga na noda gone vakaitutu era mai vakusakusataki keda tiko meda vakadonuya na vei projects vakaoqo.  Ena dua na koro, e a taroga e dua na turaga me vakamacalataki na veika vakailavo e mai vakaraitaki tiko; ka qai tarogi koya mai na vakailesilesi, se na cava e via kila kina!

O koya oqo au vakabibitaka tiko kina meda kua ni vakusakusa; tukituki ena veivale ni volavola kece, wili kina kivei keimami e Palimedi, me yacova ni koni sa vakadeitaka sara ni sa donu vinaka na veika kece.

O koya talega oqo au cauraka tiko kina me dua na minisitiri ni veivakailavotaki ni kawa itaukei.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.