Vakaciriloloma na tauri vola mai Sawaieke VILIAME ODRO | Monday, August 7, 2017

SA bau dua na i rairai vakaciriloloma dina ni ra sa tucake tu na lewe 202 na gonevuli e na Tikina o Sawaieke mai na yanuyanu ko Gau e na gauna era sa ciqoma kina na nodra sitivikiti ni duidui vuli e na koro ko Nawaikama e na siga Vakaraubuka na i ka 28 ni siga ni vula sa dromu.

E vakadeitaka mai na i tukutuku oqori ki na Na i Lalakai o Kelepi Delai na Mata ni Tikina o Sawaieke mai na koro ko Nawaikama, e na siga Moniti.

E kaya o Delai na ka e vinaka kina na vuli oqo ni sega ni yalani kina e dua na yabaki, ka ra sega talega ni sauma e dua na i curucuru na gonevuli.

?Ni oti na vuli e na siga Vakaraubuka ni macawa sa oti, era sa kauta vata na gonevuli e 12 na veimataqali vuli ka ra a vulica e na walu na koro e na neitou tikina.

?Oya mai na vuli vakasaqa me yacova sara na vuli matai kei na livaliva, na veika sara ga era a sega tu ni kila e na gauna e liu na lewe ni tikina.

?Au via vakavinavinaka vakalevu sara ga kina ki vua na matanitu e na kena veiliutaki kei na Tabana ni vuli (FNU) e na kena nanumi tu na neitou tikina e na vuli yaga oqo,? e kaya.

Tomana o Delai ni kalougata sara vakalevu na koro ko Nawaikama e na vuli oqo e na kena vakavinakataki kece na paipo ni wai e na veivalevale e nakoro, kei na kena caka na livaliva e na vale ka ra se bera tu ni vakaoti.

Kuria o Delai ni o ira kece na gonevuli era sa lesu e na nodra veikorokoro era sa rawa ni vakadewataka na veika kece ka ra a vulica me rawa ni bula kina na nodra matavuvale.

Tinia na nona i vakamacala o Delai e na nona vakavinavinakataka tikoga na matanitu, ka nuitaka tiko ni na levu tale na mataqali vuli vaka oqo e na vakayacori tikoga e na yanuyanu ko Gau.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.