Kua ni dinau na lotu UNAISI RATUBALAVU | Monday, August 7, 2017

ESA na vakanamata yani na Lotu Wesele e Viti me na kua ni cici tu ena dinau, ka me sa cicivaki ga ena i lavo qaqa, vakadeitaka na tikina oqo o Talatala Epineri Vakadewavosa.

Na i lavo e rawa mai ena solevu ni lagalagasere ni Lotu Wesele ena vagolei kece ki na Cakacaka Levu ni lotu me na cicivaka na veiqaravi ni lotu ena 2017 ki na 2018.

Vakadeitaka mai ki na Nai Lalakai, o Talatala Epineri Vakadewavosa ni volekata toka yani e $3 na milioni na levu ni lavo e dau gadrevi ena valenivolavola me na cicivaka na veiporokaramu eso e gadrevi me qarava na valenivolavola.

?Ena yabaki qo, e sa na wasei ga ena 58 na i wasewase na soli, ni qai cava na solevu ena 19 ni siga ni Okosita ena qai kacivaki raraba e vica na soli e sa rawata na veiwasewase ka na vagolei kina Cakacaka Levu.

?Esa na tekivutaki talega ena veika vakailavo oqo ni lotu me sa na kua ni cici tu na lotu ena dinau.

?Oya me sa na dua na tuvatuva vou e sa saga yani na veiqaravi mai na valenivolavola liu,? e kuria o Talatala Vakadewavosa.

Na i lavo ni Cakacaka Levu oqo e dau vagolei ena kena cicivaki na Vuli ni Talatala e Davuilevu, na Dilkusha Home, na Veilomani Boys Home, na vuli ni dikonesi kei na veitabana tale era tu ena valenivolavola me vaka na Veivakalotutaki, na Bula Raraba kei ira na vakailesilesi era veiqaravi kina.

E vakadeitaka o Talatala Vakadewavosa ni sega ni dua e sureti me na dolava se sogota na solevu oqo, ia ena dolavi ga vakalotu ka ra na dolava tiko na Qase Levu, o Talatala Tevita Nawadra ena siga Vakarauwai, 12 ni siga ni vula oqo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.