Sema voleka ki Isireli o Viti UNAISI RATUBALAVU | Monday, August 7, 2017

E cavuta sara ga mai gusuna na mata ni matanitu o Isireli ki na Pasifika, wili kina o Viti e tiko kina na kena I sema voleka ki Isireli.

E kaya ni rawa ni dua vei ira na yavusa ka ra a veiseyaki ena 722 BCE ( before the common era) mai Isireli na kawa tamata e Viti.

Ka cavuta kina na vosa vakavalagi oqo o Tibor Schlosser, ? Fiji you are part of us.?

Vakadeitaka o Schlosser ni vica na ka e raica ni da veisemati voleka kina, matai ni levu vei keda na lewei Viti eda lotu va- Karisito.

Ka dau tu ga mai na vakanananu ni o Viti e rau sema veivolekati sara.

Tukuna talega ni gauna vakaivolatabu ena tekivu ni 20 ni senituri, era a biubiu mai Isireli ena gauna oya e lewe 10 na yavusa, ka rau vo tu ga yani e lewe rua na yavusa.

E kaya o Schlosser ni rau dau veimaliwai vinaka sara na matanitu e rua, dina ni sa cici tiko na demokarasi, ia na i Vola Tabu e dau dua tu na ka bibi ena matanitu e rua.

E kuria o Schlosser ni oqo e dua na tikina e matalia kina na veiwekani ni matanitu e rua.

E kuria ni nona tiko voli oqo e Viti, e dua na ka na nona semati vakayalo ka vakataudeitaki na yalona ni dua beka na yavusa era yali mai Isireli ena gauna oya e tiko ena wasa Pasifika.

E kaya ni sega walega e Viti, ena Pasifika taucoko, e vakila o koya e dua na i tovo ni bula ni veimaliwai , na loloma kei na veikauwaitaki ka sega ni kunei ena dua tale na yasa ni vuravura.

E kaya o Schlosser ni dua talega na ka e tautauvata kina o Viti kei Isireli, oya na noda vakaliuca na i Vola Tabu me dua na i vola e bibi, ia e kaya talega ni Vola Tabu e ra dau vakabibitaka na lewenivanua e Isireli, ia e tu talega kina na kedra i tukutuku makawa.

E kaya ni vanua e kilai vinaka mai Isireli o ira na turaga kei na marama era gole yani e  Viti, ka duatani na yalo ni veimaliwai era dau kilai tani kina na i Taukei ni ra dau gade se veiqaravi voli mai Isireli.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.