Wali na tauvimate ni oti e 11 na yabaki VILIAME ODRO | Monday, August 7, 2017

SA yabaki 11 mai oqo na noqu colata tiko mai na mate qo (cavuka), ia, e sa qai mai taluva rawa sara ga e Delailasakau.

E vakadeitaka mai na i tukutuku oqori o Repeka Tiko e dua na marama ni Kalabu e na yasana o Naitasiri, ka sa bulabula vinaka sara na kena i rairai e na gauna e vakamacala tiko kina e na Na i Lalakai mai na koro ko Delailasakau e na Tikina o Waidina, e na macawa sa oti.

E kaya o Naibena Vilorina na marama ni koro ko Navunikabi e na yasana o Namosi, ka sa la?ki sainimate tiko e na koro ko Delailasakau e na gauna oqo, ni a se dau soli wai sara e na gauna ni nona goneyalewa.

?Qo na wai ni neitou kawa, ka a vakavulica vei au ko Tamaqu.

?E sega tale ni dua e solia na wai oqo, o au duadua ga, ia, na gauna oqo au sa vakavulica tiko vua na noqu i tini (Ratu Etuate Qereqeretabua) na veimataqali wai, me rawa ni tomana tiko na nodra vakabulai na lewe ni vanua, ka ni sa siro tiko na noqu yabaki ni bula,? e kaya.

Tomana na marama yabaki 76 oqo ni mate me vaka na nodra mate na marama, na mate ni sucu (kenisa), kei na mate kecega e tiko kece vua na kena wai.

Kuria e na nona kaya ni o Tiko e a rogoca ga mai Kalabu ni dau soli wai o Vilorina, ka sa lomana sara ga me la?ki tara na mawe ni vako.

?Na gauna e se qai gole mai kina o Tiko e sega sara ga ni dabe rawa se davo, e sa vutugu tikoga e na veigauna.

?Gauna ga au vagunuvi koya kina e na wai sa qai dabe vakavinaka, ka moce talega vakavinaka.

?Nau vinaka vakalevu, na vosa ga e kaya tiko vei au o Tiko e na gauna e sa bula vinaka tiko mai kina,? e kaya.

Tomana o Vilorina ni sa lesu tale ki nodratou o Tiko e na Siga Tabu e na nona sa bula vinaka.

Ia, me yacova mai na gauna oqo e sega ni wilika rawa o Vilorina na marama e sa vakabula oti e na veimataqali mate kecega, ka so na gauna e wili kina na nona vakasucumi ira na marama ke bera na nodra cicivaki i valeni- bula mai Vunidawa.

Sa nuitaka tiko o Vilorina ni na vakabalavutaka tiko na noda Kalou Levu ko Jiova na nona bula me rawa ni tomana tikoga na cakacaka ni soli wai ka vakaisulutaki kina na nodratou kawa mai na gauna e liu me yacova mai na gauna oqo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.