Vuli ki Isireli e lewe 10 UNAISI RATUBALAVU | Monday, August 7, 2017

E lewe 10 na vakailesilesi mai na Tabacakacaka ni Teitei e Viti era na laki vuli mai Isireli me dua na yabaki, ka namaki me na tekivutaki na porokaramu oqo ena yabaki ka tu mai.

Esa na mai tekivutaki na i tuvatuva oqo ni oti na nona mai sainitaka na Minisitiri ni Teitei mai vua na kena minisita o Inia Seruiratu kei na mata ni matanitu mai Isireli ki Viti o Tibor Schlosser.

E vakaraitaka o Seruiratu ni veidinadinati oqo era na vukei kina e 200,000 na lewenivanua e Viti era vakararavi tu ena tabana ni teitei e Viti.

E kaya talega o Seruiratu ni veivuke oqo era na vukei talega kina na noda era tu ena taudaku ni veikoro lelevu, ka nodra vurevure ni lavo e kau ga mai ena teitei kei na susu manumanu.

O ira na lewe 10 na vakailesilesi mai na Tabana ni Teitei era na laki vuli ka vulica talega na i vakatagedegede ni veiqaravi ena tabana ni teitei ka kilai tani kina e vuravura na matanitu oqo.

Eda kila vinaka ni matanitu o Isireli e kilai tani na nona vakavurea na wai bulabula mai na Waitui Mate ka vakau kakana ena Tokalau e loma kei vuravura ena kakana draudrau kei na vuata.

Dina ni lailai na qele ni teitei, ia era vakayagataka na veimataqali misini eso kei na kila e tu vei ira me rawa ni ra vakani ira kei na kena e dau volitaki ki vanua tani.

Kaya o Schlosser ni gadreva tiko o Isireli me na wasea na kila kei na misini ena tabana ni teitei vei ira na vakailesilesi ni Tabana ni Teitei e Viti.

E a vakavinavinakataka talega na matanitu o Isireli o Seruiratu ena nodratou mai veivuke ena gauna ni veivakacokotaki e Viti ni oti na cagilaba o Winston.

Eratou a veivuke na matanitu o Isireli ena kena vakacokotaki na koro o Vuma mai Ovalau kei na so tale na veivuke eratou vakayacora e Viti.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.