Ni naica beka li? SIKELI QOUNADOVU | Monday, August 7, 2017

NA taro levu era taroga tiko ena gauna oqo na lewe ni koro o Nawaisomo ena tikina o Nagonenicolo mai na yasana o Naitasiri, se gauna cava beka ena qai yaco yani vei ira na gaunisala.

Kaya o Paula Nabutokere yabaki 65, mai na mataqali turaga o Naveibalabala, ni tekivu mai na gauna e tu galala kina o Viti, a sa yalataki tu vei ira ni na ta na gaunisala ena lomani tikina o Nagonenicolo.

?A neimami mata o Semesa Sikivou koya mai tukuna vei keimami ena gauna ni vunau ni vakavakarau na veidigidigi ni na yaco mai na gaunisala.?

Sa oti oqo rauta ni 50 na yabaki na nodra wawa voli na lewe ni vanua vakaturaga o Wailevu.

?Keimami sa wale na lasutaki kei na yalayala lasu dau caka vei keimami.

?Vica na macawa sa oti era mai tiko e na koro na ivakalesilesi mai na vale ni volavola ni veidigidigi me volai na yacai keimami. Keimami mai maroroi ira ka qaravi ira.

?Qo dau neimami vakarau na mai vakataukeitaki ira na gade se veisiko mai vei keimami, vakarautaki vei ira na veika vinaka taucoko, ka ni dau koto kina na neimami vakanuinui nira na nanumi keimami tale mai ena gauna era sa lesu kina.

?Qo sa baci voleka tale tu na veidigidigi, era sa vakarau veitaravi na nodra lako mai qo e na koro (oira na dau ni politiki), mera mai yalataka qo, ia na gauna cava ena yaco mai na gaunisala, ya na ka keimami via kila.?

Ena taura rauta ni tolu na aua na vodo mai Suva mo gole vaka ki Vunidawa, Nakorosule, ka sivi na koro o Waibalavu na vanua e lai cava kina na gaunisala ena bati ni uciwai na Waicskena. Mai kea ena taura e rauta toka ni dua na aua na taubale, ka takosovi vaka tini na uciwai ni bera ni o cabe ena koro o Nawaisomo.

Kaya o Robert Sen na ivakalesilesi e Liu Vakatawa ni Tabana ni Gaunisala (Fiji Roads Authority) ena Vakarauwai (22/7) sa tekivu vaqarai kina e dua na kabani me na nona na konitaraki ni vakavinakataki ni guanisala mai Nakorosule ki Waibalavu, ka vaka kina na kena ta na gaunisala mai Waibalavu ki Nawaisomo.

A vakaraitaka taumada na tabana ni gaunisala ni se tekivu vakasaqarai na kabani me na soli vua na konitaraki mai na vula o Me.

Ena gauna e tarogi kina se cava e vakabera tiko na kena vakaqarai na kabani oya, kaya ni na sega ni rawa ni sauma na taro oqo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.