Vakananumi ni Vola Tabu VILIAME ODRO | Monday, August 7, 2017

ENA vula o Okotova ni yabaki oqo, e ratou sa na marautaka tiko kina na matavuvale nei Aisea Rabuno Tamanikaiwai na i ka 95 ni yabaki ni Vola Tabu ni turaga tukadra vakarua, o Na i Talatala Salesi Savou mai na koro ko Qalikarua e na yanuyanu ko Matuku, ka ratou sa vakaitikotiko mai Natabua, Lautoka e na gauna oqo.

E vakadeitaka mai ki na Na i Lalakai o Tamanikaiwai ni gauna sa leqa kina na nona Bubu o Eka Tabakimainailaga e na yabaki 1993, e a qai kunea o koya na i Vola Tabu nei Talatala Savou e na dua na kato kau lailai.

Na nona sa kauta cake mai e qai raica ni se tabaki sara e na yabaki 1922, ka sa mani lomana sara me sa maroroya ka dau karona vinaka tiko e na veigauna kece.

Tomana o Tamanikaiwai ni vaka e koula tu na drauniveva ni i Volatabu o ya, ka sega ni vulavula me vakataki ira na i Volatabu ka ra sa tu e na gauna oqo. E na gauna e vakatataro kina na Na i Lalakai ki na Tabana ni Taba i Volatabu (Bible Society), e ratou qai vakadeitaka mai ni a tabaki dina na i Volatabu o ya e na yabaki 1922.

E kaya o Rabuno ni vakila e na gauna e maroroya tiko mai kina na i Volatabu ni yaga sara vakalevu na tolu na ?F? (Fika, Faiwa kei na Faito) ki na nona bula ni matavuvale, ka vakakina na nona bula vakayalo.

Na vuna o ya e ratou sa nanuma kina me ratou sa na marautaka tiko na i ka 95 ni yabaki ni Volatabu oqo e na vula ko Okotova na i ka 10 ni siga me tauveidonui na vakacagicagi ni matanitu. E ratou na veitokoni talega e na soqo o ya na Qase Levu Rev Arthur J Small, Vunivola Levu R L Macdonald, Talatala i Taukei - Rev Inoke Buadromo kei Rev Mataiasi Vave.

Sa nuitaka tiko na turaga yabaki 55 oqo ni na yalo loloma sara na Kalou Levu na Tamada sa tabogo, me na vakabalavutaka tiko na nona bula me rawa ni ratou marautaka vakaveiwekani na i ka 100 ni yabaki ni Volatabu e na gauna sa lokuci oti tu.

Ki vei kemuni ga na mata veiwekani ko ni via tiko talega e na soqo ni yabaki 100 en  2022 ni qai veitaratara ga yani vei Tamanikaiwai e na naba ni talevoni veikauyaki na: 9932985 e na veigacagaca matailalai tale e so.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.