Tekivu ga mai vale na vuli ka VILIAME ODRO | Monday, August 7, 2017

NA gauna au se bera ni vakawatitaki mai kina ki na koro totoka oqo, e dau vakavulici au sara tu ga o noqu Nana e na tali ibe mai nakoro.

E vakadeitaka tiko nai tukutuku oqori o Maria Pia e dua na marama ni koro ko Vatukula, Vaturova e na yasana o Cakaudrove ka dodomo sara ki na koro ko Delailasakau e na Tikina o Waidina mai na yasana o Naitasiri.

E kaya na marama ni Cakaudrove oqo ni sega ni dua na koronivuli e vulica mai kina na tali ibe, e vuli sara ga mai vua na marama tinana, ka qai mai matanataka e na nona sa tiko e na nona koro ni vakawati.

?Vuqa na gauna e dau vakavulici au sara ga o noqu Nana kevaka me dua na soqo e vakarau caka se solevu ni dua na soqo.

?E na dau tukuna vei au na marama tinaqu me?u vuli tiko ni na yaco mai e muri me na vukei au e na vanua au na la?ki vakawati kina.

?Ia, na gauna oqo au sa raica sara tu ga na kena vinaka, ka ni sega tale ni qai dua e vakavulici au, e na noqu sa kila sara ga vakamatailalai na gacagaca kece me muri e na kena tali e dua na ibe,? e kaya.

E a donumaka yani na marama ni Cakaudrove oqo na Na i Lalakai e na nona tali ibe tiko e na nona loma ni vale mai na koro ko Delailasakau e na macawa sa oti.

E kaya o Pia ni sega ni dau volitaki na ibe e talia, ka ni tali sara tu ga me i coco ni loma ni vale, se me vakayacori e dua na soqo e nakoro.

Kuria na marama yabaki 45 oqo ni rau dau veivuketaka na tei voivoi kei na nona daulomani, ia e dau waraki sara ga na siga vinaka me qai tamusuki mai kina, ka vakasigani.

Tomana ni vurevure ni lavo levu duadua e na nodratou koro, a ya, na jaina, na dalo, na ota, ka vakalailai toka na yaqona.

Tinia o Pia ni nuitaka tiko ni na vakavulici ira na i sausau vou (gone yalewa) ni koro o Delailasakau e na tali ibe me vakataka ga na i vakavuvuli e vakatavulici koya kina o nona Nana.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.