Duitautau VILIAME ODRO | Monday, August 7, 2017

?NA gauna au sa tucake taudua tu kina e na loma ni veikauloa e na yasa ni waqavuka, e tuburi au e dua na yalo ni rere vakaitamera niu sa raica tu na kakaseresere ni yagodra na wekada ka ra sa dui tautau tu e kea.

?Qo e sega tale ni qai dramataki tiko, ka ni yaco dina sara tu ga e na gauna e yaco kina na vakacalaka vakaloloma e na voca ni waqavuka na PC121 e na delana o Mataicicia e na i ka 24 ni siga ni vula ko Jiulai e na yabaki 1999.?

E vakadeitaka mai na i tukutuku oqori o Ratu Mikaele Seruitukana na turaganikoro ko Delailasakau mai na nona loma ni vale e na macawa sa oti.

E kaya o Seruitukana ni na sega ni guilecava rawa vakadua e na nona bula taucoko na veika e a sotava, e na gauna e yacova yani kina na delana o Mataicicia.

?Rauta vinaka e va na siga na noqu sega ni vakila tu na i kanakana ni kakana, ia, au sa kana tikoga me rawa ni toso tiko kina na noqu bula.

?Dina ga ni sa oti vakavinaka oqo e 18 na yabaki na kena voca na ?PC121? e na delana o ya, ia, e sa na bau dredre toka na noqu guilecava na kedra i rairai na wekada e na nodra sa veidavori matemate koto e na loma kei na yasa ni waqavuka.

E vakamacalataka tiko ki na Na i Lalakai o Seruitukana ni ra se dau Lotu tikoga e na i ka 24 ni siga ni veivula o Jiulai e na veiyabaki me yacova mai na macawa sa oti.

Tomana ni duidui na noda vakasama ni da raica e dua e mavoa e na i sele se dua e kamusu na yavana, mai na nomu raica ni sa yali tu e dua na qavokavoka se dua na yava se dua na liga.

Kuria ni vakadomobula dina e na gauna e taura tu kina e dua na qavokavoka qai raica ni se yavavala tu ga na veisala ni dra, ka vakasamataka sara ga na i yaloyalo ni tevoro e dau sarava tiko e na nona gauna ni gone.

Tinia ni gauna oqo kevaka me dua e lako e na vanua ni voca, ka sega ni vakaraitaka rawa e nakoro, e na rawa ni rogoca na domo ni vutugu, ka vakakina na sotava na dra bulabula e na tolo ni gaunisala.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.