Vala kei UNAISI RATUBALAVU | Monday, September 11, 2017

Nai Talatala Pauliasi Vatanitawake ena vale e Tovata, Nasinu. Veitaba: UNAISI RATUBALAVU
Nai Talatala Pauliasi Vatanitawake ena vale e Tovata, Nasinu. Veitaba: UNAISI RATUBALAVU

Update: 10:24AM ENA nona sa lesi ki na dua na yanuyanu mai na yatu Lau o Nai Talatala Pauliasi Vatanitawake, e sega ni dede e sa baci vakaraitaki vua na kalouvu e qaravi tiko ena vanua esa lesi kina oqo.

Vakaraitaka taumada ni yabaki e lesi kina oqo ki Natuicake ena yabaki 1966 ki na 1969, ka sa tekivu me vakayagataki ena noda matanitu e Viti na dola.

�Oya sa oti na vakayagataki ni paodi, ka sa tekivu me sa tu vakai koya talega na Lotu Wesele e Viti,� e kaya.

�Ena i matai ni bogi ena  vale ni Talatala, niu qai moce koto ga, sa baci vakaraitaki vei au e dua na rai.

Au sa raica sara ni sa dola mai na katuba ni vale keitou tiko kina vakavuvale, ka ra sa curu mai ena mata ni katuba e dua na mataivalu.

�Ia na nodra i liuliu e dua na turaganivalu, ka dua tu na nona korosi beleti, ia ka sa dua tani ga na kena i rairai, ni tiko e uluna e rua na i leu. O ira na nona mataivalu, era korosi beleti talega, ka ra vakaileu talega.

 Esa talatala sara mai vei ira na nona mataivalu o na i liuliu mera sa mai tarai au ena bogi oya.

�O koya e vakatawa voli tu ga mai na mata ni katuba o Korosibeleti,� e kaya o Talatala Vatanitawake.

Era sa toso voleka mai na i lawalawa oqo ki na vatavata au davo toka kina, oqo me ra sa mai buturaki au.

�Ea otataki ira mai na nodra i liuliu levu oqo o Korosi Beleti me ra mai veivala kei au,� e kaya.

�Ena noqu moce koto oya, au a qai kerea na veivuke ena yacai Jisu, ena noqu sasaga oqo, au sa raica ni sa dodo mai e dua na liga ka solia tiko mai vei au e dua na i Vola Tabu lailai.

�O koya ga na i Vola Tabu oya, au qai virika kina na yadrena na i liuliu ni lawalawa velavela oqo. �Au qai rai tale yani ni sa tekivu me tau talega vei ira na i lawalawa nei Korosi Beleti na Vosa ni Kalou oqo.  Esa dua na ka kena mosi e matana o Korosi Beleti ni sa tau yani e yadrena na i Vola Tabu oya, kei na noqu sasaga me�u sa veivala kei ira na nona matailawalawa era sa via mai veibuturaki.�

Ena qai kuri tale yani ena macawa mai oqo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.