Na tataqomaki UNAISI RATUBALAVU | Monday, September 11, 2017

Update: 10:29AM ESA levu sara na i tukutuku ni coqa kei na vakacalaka e gaunisala e ra tabaki ka lewe ni tukutuku voli ena vica na siga sa oti.

E levu talega na i tukutuku ni coqa vakadomobula eda rogoca ena walesi kei na retio yaloyalo.

E dua na kisi ni coqa, oya na nona lutu mai na lori na tractor e dua na gone yabaki 5, ka draivataka tikoga e dua na lewenivuvale na lori oqori.

E mani cicivaki e valenibula na gonelailai oqo, e ka ni rarawa ni sa mai leqa ena vuku ni leqa vakacalaka oqori.

Mai Wainibokasi, e a coqa e dua na marama ka wawa lori tiko vakamataka e dua na draiva ni motoka.

E tauri na i tukutuku ni a tauvimate o draiva, vakavuna na nona coqa na marama oqo, ka ra mavoa talega na lewenivanua era vodo tiko ena lori ni usa pasidia oqo.

Mai Nausori, e ra kidacala na vodo tiko ena basi kei ira na lewenivanua ena taoni oqo na kena sa kama e dua na basi ni Tebara.

Eda sa veivakananumi tikoga ena vuku ni kena taqomaki tiko na bula ena noda gaunisala.

Vei kemuni na draiva ni basi, na tolitoli se motoka vakaitaukei se motoka ni kabana se matanitu, eda sa vakamasuti me da draiva vakamalua ka kua soti na draiva vakatotolo.

Meda vakamuria vinaka ga na lawa ni gaunisala, ena sega ni dua na leqa eda na coko kina, baleta ni da sa vakavulici keda m eda sa turaga se marama talairawarawa ena i vakaro kei na lawa e sa biuta tu mai na matanitu.

me da kila vinaka ni lawa kei na i vakaro e ra biu mai oqo me ra na taqomaki keda kina na lewenivanua, ena noda vinaka talega.

E na dua talega na yasana, e dodonu me ratou sa na vakaukauwataka talega na Tabana ni Gaunisala e vanua mamaca na kena totogitaki se kau laivi saraga vei ira na vakaleseni kevaka era sa kunei ni ra sa voroka na lawa ni gaunisala se vakavuna e dua na mate ena noda gaunisala.

Me dua na i totogi bibi me na dau biu me rawa ni tagutuvi ira tiko kina na draiva mai na basu ka tu ga na lawa ena veigauna kece.

Esa ka bibi talega vei ira na i vakaitikotiko ena bati ni gaunisala lelevu me ra na veivakananumi tiko ena bula ni tataqomaki ena kena taubaletaki na gaunisala ena veigauna.

Vei ira na gonevuli, ra sa dau laki vosa talega vei ira na Tabacakacaka ni Ovisa kei na Tabana ni gaunisala ena kena vakamuri na lawa ni takoso kei na vakayagataki ni gaunisala.

E da raica ni ra sa cakava tiko na nodra cakacaka o ira na veitabana eso e Viti ena noda vakasalataki, ka vakararamataki na lewenivanua ena vuku ni noda tataqomaki ena noda gaunisala.

Kevaka walega me da talairawarawa ka vakamuria kece na i vakasala na lewei Viti, au kila ni rawa ni lailai sara na i wiliwili ni lewenivanua era sa mai mate tu ena vakacalaka ni coqa ena noda gaunisala.

Esa ka bibi na noda talairawarawa ka vakayacora tiko ena veisiga na ka e dodonu me na vakayacori.

Meda na segata me kua ni dua na vakacalaka me yaco ena noda gaunisala ena loma ni vula oqo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.