Sa totolo na veisau ni noda ivakarau VILIAME ODRO | Monday, September 11, 2017

E ratou taba toka oqo mai na i mawi o Sainitiki Nayase, kei rau na veiwatini o Jitoko seru Kei Marica Vuya, e na nodrau loma ni vale mai na koro ko Cakova e na yanuyanu ko Moala mai na Yatu Lau. Veitaba: VILIAME ODRO
E ratou taba toka oqo mai na i mawi o Sainitiki Nayase, kei rau na veiwatini o Jitoko seru Kei Marica Vuya, e na nodrau loma ni vale mai na koro ko Cakova e na yanuyanu ko Moala mai na Yatu Lau. Veitaba: VILIAME ODRO

Update: 10:35AM �I mada e sa dua dina na bula vinaka, na bula vakaveiwekani, ni kua e sa kaukauwa a i lavo, kevaka ko vinakata e dua a meca, e sa na soli na i lavo e sa na qai soli mai, ka tutu e lewe vica sara era solia wale mai.

�O na bula Vakalou e na gauna sa oti, keimami veirairaici ka veikauwaitaki, ka kena i lutua na veilomani, kevaka e sega vei au e dua na ka au na la�ki kerea.

Na i vakamacala momona ka vakavurevakasama oqori e cauraka toka mai o Jitoko Seru e na nona loma ni vale mai na koro ko Cakova e na yanuyanu ko Moala mai na Yatu Lau e na vula sa dromu.

E kaya o Seru ni a vuli mai Navuso donumaka tiko na i karua ni valu levu, ka vinakata sara me la�ki cakacaka e na dua na vale ni qaqi painapiu mai Suva, sa qai tukuna vua o nona i tubutubu turaga me lesu tale ki na nona koro ka me la�ki vakayagataka na qele.

�Na kila lailai ka sa toka mai o ya vei au, au sa qai mai valata e na noqu koro.

�Matai ni ka au teivaka na qele me vaka au a vulica mai Navuso, ia, na kena i karua niu matai ni tamata me�u tara na vale kau e nakoro, na vale buloko, vale vakaviti, ka vakakina na tataka na waqa ni viti.

�Na gauna e vala kina na Bose ko Lau, e dau noqu i tavi na vuni yaqona levu ka sega niu vinakata me saumi vei au.

�Ke dua na soqo ni vanua e caka e nakoro, au solia wale a puaka se cava ga e vinakati.

�Ia, na gauna ka i, sa dravusakulukulu ka ni sa na tarogi ga e liu na i lavo ka rawa ni qai soli na ka e vinakati,� e kaya.

Tomana na turaga yabaki 94 oqo ni gauna oqo e sa veisau sara vakalevu, ka ni levu na cauravou era sa tu ga e nokoro ka sega ni vakayagataka vakavinaka na gauna.

E vakamacalataka o Sainitiki Nayase e dua na turaga e na koro ko Cakova, ni dau tukuna ga o Seru e na gauna ni Bose Vakoro ni diva madaga me dau veisau na gauna me ra qase o ira na cauravou e na gauna oqo, ka me ra gone tale mai o ira na matua me rawa ni ra colata tale na i vua ni vanua.

Na gauna oqo e rau dau qaravi rau tokaga na veiwatini oqo, ka vukei rau tikoga e dua na makubudrau cauravou ka ratou tiko vata e nakoro.

Na gauna e veitalanoa ki na na tabana ni Na i Lalakai kei rau na veiwatini, e matata vinaka na nodrau i tukutuku, ka sega ni da vakabauta rawa e na yabaki ni bula e rau sa yacova, e na totoka ni kedrau irairai, kei na matadredredre.

Rairai e vu tiko mai oqo e na nodrau kania na sasalu ni waitui bulabula ka vakakina na kakana dina ka dau divi kina na koro ko Cakova.

E ra sa vakawati kece mai Viti Levu na luvedrau lewe 7 ka rau sega ni wilika rawa na levu ni makubudrau.

E vakavinavinakataka sara vakalevu o Seru ni lomani rau vinaka tiko na veiwatini na Turaga na Daunilewa e na nodrau veilomani tiko mai kei na nona sui ni sarisari o Marica Vuya ka sa yabaki 85 me yacova mai na gauna oqo.

Sa nona i tatau ga o Seru vei keda na veiwekani, a ya me da dau muria vinaka sara na i Vunau e Tini ni oya ga na i vunau levu duadua e na dela ni vuravura ka rawa ni da bula balavu tiko kina me vakataki rau.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.