Savasava kei na dina ena veidigidigi UNAISI RATUBALAVU | Monday, September 11, 2017

Update: 10:42AM Vakadeitaka na Peresitedi ni noda vanua, o Joji Konrote ni dodonu mera na veiqatitaka na mata era na via tu ena veidigidigi ena yabaki mai oqo ena yavu e dodonu ka savasava.

E vakaraitaka na i tukutuku oqo o Konrote ena kena mai dolavi ena siga Moniti na  wasewase vou ni dabe ni Palimedi ena yabaki  2017/ 2018.

E kaya ni sa levu sara na lewenivanua era sa na baci tekivu nanamaki ena vuku ni veiqaravi mai vei ira na lewe ni Palimedi ena gauna oqo.

 E kaya o Konrote ni veidigidigi ni yabaki mai oqo, ena laurai talega kina na i matai ni gauna me na veiqatitaki kina na matanitu veiliutaki tiko oqo ena vuku ni Yavu ni Vakavulewa ni 2013.

 E veivakadeitaki o Konrote me na dei tikoga na itovo ni veitalanoa kei na veivosaki ni sa voleka yani na veidigidigi ena yavu vinaka era sa virikotori tu mai.

 E kaya ni sega ni dua na ka vinaka kevaka ena yaco na veitalanoa ena vuku ni veivakaduiduitaki vakamata tamata kei na veivakacacani.  Kaya ni dodonu me na vakaliuci ga na dina kei na cakacaka vakadodonu ena gauna ni veidigidigi, ka me kua sara ni mai tawasei keda na duidui ni soqosoqo vakapolitiki eda lewena se tutaka.

 E kaya ni dina ni kena i valavala ga ni nodra veiraravui na veisoqosoqo vakapolitiki, ia e dodonu me na tiko na yalo ni duavata kei na cakacaka vata ni sa macala na veidigidigi.

 E kaya o Konrote ni dodonu me na tiko na yalo ni veiqaravi, ka me na qaravi na cakacaka ni veiliutaki.

Vakabibitaka ni sa vakaraitaki koya o Viti ena nona digitaki ena wasewase ni vuravura oqo me laki lewena matabose e cake ni Association of World Election Bodies.

 Tukuna o Konorote ni nona lewena na tabana oqo o Viti, e sa vakadeitaki tiko kina na vinaka kei na savadava ni nodratou veiqaravi na valenivolavola ni veidigidigi ena noda vanua.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.