Sega ni na tauri tale e dua na vakatutu ni lawa ni koro UNAISI RATUBALAVU | Monday, September 11, 2017

Update: 10:43AM ENA sega ni tauri tale e dua na vakatutu me baleta na lawa ni koro ena gauna oqo na Minisitiri ni Veika Vakaitaukei.

Vakadeitaka mai na kena vunivola tudei o Naipote Katonitabua ka kaya ni sa vakayacori oti ga mai vei iratou na kena komiti na kena sikovi na veiyasana e 14 ena kena ciqomi na nodra vakatutu me baleta na lawa ni koro.

 Tukuna o Katonitabua ni lawa ni koro vakaturi qo e gadrevi me na vakamatatataki rawa vei ira na lewenikoro, na tikina kei na i taukei ra na tiko  ena noda veikoro.

 Vakadeitaka ni veika eratou na vakatututaka na Minisitiri ni Veika Vakaitaukei, ena qai kau cake kina valenivolavola ni kena Minisita ka i liuliu talega ni noda vanua o Voreqe Bainimarama.

 Kaya ni sega ni dua tiko na gauna e vakamatatataki mai ena tiki ni siga me na vakalawataki se me sa na vakamuri na lawa ni koro, ia esa na waraki tiko ga na kena veivakadonui mai na ulu ni veiliutaki. Ia, e vakadeitaka tale o Katonitabua ni ratou dau gadreva tikoga na tabacakacaka ni dodonu me na vakayacori vakavinaka na veitalanoa ni bera ni qai macala e dua na vakatutu e na tarai ira na noda.

Na lawa ni koro e vakatututaki oqo e vakamatatataki tu kina na i tavi ni turaganikoro, na veika me na qarava na koro ena vuku ni veivakatoroicaketaki, na bula sautu kei na tiko bulabula.  Na veiliutaki vakavanua, na lotu, kei na kena sagai me tikoga na bula ni veilomani kei na cakacaka vata ena loma ni veitikotiko vakaitaukei.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.