Loma vakacegu: Tikoduadua UNAISI RATUBALAVU | Monday, September 11, 2017

Na Peresitedi ni National Federation Party, o Pio Tikoduadua. Veitaba:FILE
Na Peresitedi ni National Federation Party, o Pio Tikoduadua. Veitaba:FILE

Update: 10:44AM E ka bibi ki na matanitu veiliutaki me na solia e dua na loma vakacegu ena so na veika e qarava, me rawa ni ra lomadei kina na lewenivanua.

�E ka bibi me na cegu na yalo ni tamata, ka me sa saumi vakavinaka na nodra lomatarotarotaka tu e levu na ka e sega ni matata,� e kaya o Pio Tikoduadua mai na soqosoqo na National Federation Party.

Ena nona vakamacalataka mai na i tuvatuva eso e sa qarava mai na i soqosoqo na NFP, tukuna o Tikoduadua ni sa na vakarau kacivaki ena dua na gauna lekaleka mai oqo na yacadra na lewenivanua era na mata digitaki ni soqosoqo era na tu tiko ena tikite ni NFP ena yabaki ka tu mai.

�Keitou na sega ni kacivaka kece na yacadra, ia era na kacivaki tiko yani vakalalai ni bera ni qai sogo kina na kacivaki ni veiyaca ni mata digitaki mai na veisoqosoqo vakapolitiki,� e kaya o Tikoduadua.

Mai na nodratou yasana, kaya o Tikoduadua ni sa toso vinaka sara tiko na veisiko kei na vunau eratou qarava tiko e Vanua Levu, vakatalega kina e Viti Levu.

�O au, sa lesu tiko mai oqo e na Vualiku kei Tailevu, mai Ra, Rewa, ka daumaka sara tiko na veitalanoa kei na veika keitou sa qarava tiko mai,� e kaya o Tikoduadua..

E kuria o Tikoduadua ni sa mai digitaki kece o ira na liga ni veiqaravi me vakataki iratou na lewe ono na i vukevuke ni peresitedi ena veiwasewase ena noda vanua.

�Sa lako tale tikoga na sala ni vaqara i lavo, na veika vakailavo e drakidrakita vakalevu vakauasivi ena yalo ni rere vei ira na bisinisi me ra laurai tu ena matana levu ni ra mai tokona na pati, ni ra cau tu ki na pati,� e kaya o Tikoduadua.

Vakadeitaka o Tikoduadua ni o ira na na lewenivanua era sa tekivu veisau.

� Keitou sa rogoca, keitou sa vakila kei na veisau ni loma ni tamata,� e kuria.

E tomana o Tikoduadua ni usutu ni nodratou veitokoni tiko kei na veisoqosoqo vakapolitiki eso, oya me na vakadeitaki mai na matabose na Eletoral Commission oya na kena vakarautaki e dua na buturara ni veidigidigi e savasava ka dodonu ena yabaki ka tu mai.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.