Bibi me vakadeitaki UNAISI RATUBALAVU | Monday, September 11, 2017

Era mai vakarorogo bose ka ra mai veiqaravi talega ena veivakani na marama ni Kadavu ena bose siga rua ka vakayacori ena Studio 6 e Suva ena macawa sa oti.Veitaba: JOVESA NAISUA
Era mai vakarorogo bose ka ra mai veiqaravi talega ena veivakani na marama ni Kadavu ena bose siga rua ka vakayacori ena Studio 6 e Suva ena macawa sa oti.Veitaba: JOVESA NAISUA

E SA gadrevi tiko vakalevu ena gauna oqo mai na tikina o Nakasaleka na kena vakadeitaki na i tutu e tolu vakavanua, me rawa ni ra dei kina na lewenivanua era tiko mai delaniyavu.

Vakaraitaka na mata ni tikina e Nakasaleka o Ratu Inoke Dokonivalu ni sa mai lala tiko ena gauna oqo na i tutu ni Tui Nakasa- Lomanikoro, karua na I tutu nei Tui Nakasa Nakoronawa kei na i tutu ni Takalai Nakasaleka.

?Ena gauna oqo ni drakidrakita tiko na kena veitalanoataki o cei me buli ena i tutu vakavanua kece oqori, e vakilai tiko mai delaniyavu na dredre.

?E da na dei tiko na lewenivanua ni rai yani, e ra sa dabe tiko mai na noda turaga, ka sa caka na veivakadeitaki vakavanua, vakalotu kei na veivakadeitaki vakamatanitu.

? O ira na turaga e ka bibi ni tiko na nodra tamata, e tu na nodra i yabe, ka i tutu e rokovi,? e kaya o Ratu Inoke.

E dua talega na tikina e vakaraitaka o Ratu Inoke ni sega ni vakarau vinaka na kena dau biu tu ena ?face book ? eso na i tukutuku ni vuvale kei na vanua.

E vakabibitaka o Ratu Inoke ni diodonu me na tiko na veirokorokovi kei na veilomani me rawa ni ra qai dei na lewenivanua era raica cake tu na i tutu ni veiliutaki mai vei ira na turaga ni vanua.

E mai vakayacori tiko e Suva ena Studio 6 na bose ni yasana o Kadavu ka levu sara na i tukutuku ni veivakatoroicaketaki era vakaraitaka na mata ni veitikina. E rogoci talega na loma ni matabose na levu ni lavo era sa rawata tiko na veitikina, na koro kei na yasana mai na yaqona, kei na kakana dina.

Na otela mai na tikina o Ono, era sa vakila mai keya na lewe ni tikina na levu ni nodra i lavo ena veivakacakacakataki ena otela, kei na nodra vakani na saravanua.

E laurai talega ni sa tiko e 10 na koro ena loma ni yasana ka ra sa tuvalaki tiko mai vei iratou na soveya ni qele ni dodonu me ra na tokitaki ki na dua na koro vou ena vuku ni revurevu ni draki veisau.

E vakaraitaka talega na kena laurai me na vakabibitaki tiko na nodra vakavulici na tiko mai delaniyavu e Kadavu na kena vakayagataki vakavinaka na nodra i lavo.

E laurai ni dina ni sa levu na i vurevure ni lavo vinaka e Kadavu, ia me sa lako vata talega kei na vuli mena qaravi me rawa ni ra yalomatuataka na vakayagataki i lavo na lewenivanua era tiko mai na yasana o Kadavu.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.