Na Domo ni Parofisai mai na Lotu i Kavitu VILIAME RAVAI | Monday, September 11, 2017

Update: 11:06AM ESA koto oqo era na i kuri ni itukutuku ni Domo ni Parofisai mai na Lotu i Kavitu ni Lesu Vakarua Mai, ni wiliwili sara yani.

�Mo taura e dua nai vola vivigi ka vola kina na vosa kecega, ka�u sa tukuna vei iko, ka baleti ira na Isireli kei ira na Juta, kei ira na matanitu kecega.� Jeremaia 36:2

Na Kalou e a vakaroti ira na Parofita me ra vola na i tukutuku ni gauna sa oti, na i tukutuku e rauti keda e daidai, kei na parofisai ni gauna sa bera mai me ra kakua ni yali.

8. Era kila na tamata ni Kalou, ka ra vola na Nona i tukutuku ni so tale era vakasalataki me ra vola na i tukutuku vata ga ko ya?

�Koi au ko Taniela, ka�u kila mai na i vola ni wiliwili ni yabaki sa yaco kina na vosa nei Jeremaia na parofita.� Taniela 9:2.

Ko Taniela e a dau wilika vakagumatua na i vola nei Jeremaia, Aisea kei Isikeli, ka raica mai kina na i naki ni Kalou me baleti ira na nona tamata. 

Eda wilika ena i vola nei Pita na i vola nei Paula. 

E na gauna ni kena tekivutaki na lotu va-Karisito era vakabauta ni Kalou e vakaraitaka vei Paula e na ka me vola.

�Me vaka talega e na nona i vola kecega ko Paula ni sa tukuna na veika oqo, a sa tukuna na ka eso e dredre me kilai, ia ko ira era sa sega ni vuku, era sa kauta vakatani, me vaka talega kina na i Vola Tabu kece, me rusa kina.� 2 Pita 3:16.

E a vakasoqoni vata taucoko ko Esera e 39 na i vola mai na Veiyalayalati Makawa. Oqo era a vola e 30 na parofita. 

O ira na tamata era a bula ni se bera ni sucu ko Jisu, era vakabauta ni volai na Veiyalayalati Makawa e na lewa ni Kalou.

9. A cava e kaya ko Jisu me baleta na bibi ni Veiyalayalati Makawa?

�Sa qai kaya vua ko Koya, kevaka era sa sega ni rogoci Mosese kei ira na parofita, era na sega ni vakarogoca, kevaka sa tucake e dua mai na mate.� Luke 16:31.

E vakamatatataka eke ko Jisu na bibi ni nodra i vola na parofita. 

Na Veiyalayalati Vou e vakayagataka vaka 263 na vei tiki ni vola mai na Veiyalayalati Makawa. 

Me vaka ni naki ni Kalou me vakayagataki kina tamata taucoko na Veiyalayalati Vou. 

Eda wilika ena Veiyalayalati Vou na i tukutuku kei Jisu kei na kena tauyavutaki na lotu va-Karisito. 

E na gauna ni kena vulici tiko kina na lesoni oqo ko na kunea ni Vola Tabu ei vola ni Kalou vei iko, ka vakamacalataki Jisu kei na Nona i naki e na vukumu.

Na Profisai e Vakadinadinataka Na i Vola Tabu

E rawa sara ni vakadinadinataki na i Vola Tabu. E tovolea na tamata me kila na ka ese bera ni yaco, ia na Kalou duadua ga e kila. 

Oqo e vakatokai me parofisai, ko na vulici ira eso ena lesoni oqo.

10. Ko Taia e dua vei ira na koro levu e na gauna e a bula donuya ko Isireli, a cava e kaya na Kalou vei Isireli ni na yacovi Taia?

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.