Mo Vakadeitaka na nomu vakabauta LEKIMA LAWENITOAKULA | Monday, September 11, 2017

O Lekima Lawenitoakula na turaga ni Narewa, rakiraki mai Ra. Veitaba: Anare Ravula
O Lekima Lawenitoakula na turaga ni Narewa, rakiraki mai Ra. Veitaba: Anare Ravula

Aisea 2: 3 NI na lako yani mai Saioni na i Vunau kei na Vosa i Jiova mai Jerusalemi.

For out of Zion shall go forth the Law and the Word of the Lord from Jerusalem.

Ki Mitzion Tetzei Tora Udivar- Adonai Mirushalayim.

Ni sa bula vinaka tale mai na wekaqu lomani mai na veiyasai Viti kei vuravura ni dau vakamuria tiko mai vakamalua na i ulutaga oqo.

Ena keremaia 9: 23 Sa kaya vakaoqo ko Jiova, me kakua ni dokai koya na vuku ena nona vuku, me kakua talega ni dokai koya na kaukauwa ena nona kaukauwa, me kakua ni dokai koya na vutuniyau ena nona i yau.

Ia ko koya sa dokai koya me dokai koya ena ka oqo, ni sa yalomatua me kilai au, ni sai au ko Jiova ka dauia na yalololoma kei na lawa, kei na cakacaka dodonu e vuravura: ni se vinakata na ka oqo, sa kaya ko Jiova.

ena loma ni macawa tolu sa oti, au a tiko mai ena dua na somate e Koronivia, keirau a qai veitalanoa tiko kina kei na dua vei iratou na i vakailesilesi ni Tabacakacaka i Taukei.

E a tarogi au tiko ko koya se cava sara mada e talei tiko kina vei au na i ulutaga au dau wasea tiko ena veimacawa.

Keirau a veiwasei tikoga kei na noqu i tokani oqo ( turaga ni serua).

Taumada au qai vakamacalataka tiko vua na i balebale dina ni vosa oqo na Isireli Na vosa oqo- ISRA- Na kena i balebale oya na veivuke.

Nai balebale ni vosa oqo na El- na Kalou. Kena i balebale ni vosa oqo naIsrael se Isireli - na Kalou ni Veivuke.

au a qai tukuna vua na noqu i tokani oqo na ka au a tukuna vua na noqu i tokani oqo na ka au a tukuna vei Anare Ravula ena i matai ni gauna keirau a veitalanoa kina ena 16 ni seviteba 2015.

Au a tukuna ka kerea vua yalovinaka sara me kakua ni veisautaka na i ulutaga oqo, baleta ni veidonui vata na ulutaga oqo kei na veika e sotava tu na i Taukei, baleta ni sa rui levu saraga na noda dau veirikayaki ki na veimatalotu tale eso.

Eda sa sega ni vakadeitaka rawa tiko na noda vakabauta.

Au a tukuna ka wasea tiko vua na noqu i tokani oqoniu a bula vata saraga kei ira na tamata ni Kalou oqo na Isireli.

Se o ira na Jiu ena loma ni 9 na yabaki.

Au kilavakavinaka sara ga a nodra bula ni vakabauta.

Ni?u veidutaitaka vata na nodra vakabauta vata kei na noda vakabauta- esa duidui saraga.

Na keda duidui qo: O ira na Jiu/ Isireli era dei tikoga va na nodra lotu. Era dei tikoga va na nodra Siga Tabu( Sabbath).

Era dau maroroya ka rokova na nodra Siga Tabu. E dau tu vakadua na Matanitu ko Isireli ena nodra Siga Tabu.

E sega ni dau cici na lori.

E sogo kece na veisitoa ena veitauni kece.

E sega ni dua na cakacaka.

Tamata kece era dau taubale i valenilotu.

e sega na vakuvu buka, sega talega na vakasaqa.

Na kedra esa dau vakarautaki mai ni sebera mai na Siga Tabu.

E dau vakaciriloloma tu na draki ni Siga Tabu, baleta ni ra rokova.

E dau vaka tu na koroniyalo o Isireli taucoko se vei ira na Jiu.

Ena yawa ni Siga Tabu.

Era dau rokova, vakamareqeta, ka dau vakamenemenea na nodra Siga Tabu.

Ni dau kacabote vakaoqo na nodra Sabbath, ni drau sota vakqo, kei na dua na Jiu, ena dau tukuna ga vei iko na vosa oqo, ? Sabbath Shalom,?

Dua ga drau sota vakaoqo, ko na rogoca sara na vosa oqo,- Shabbath Shalom.

Kevaka o kila tiko ni dua na Jiu e dau galu tu ga e sega ni dau vosa na galu koya ena sega ni na dau lewa rawa ni sa kacabote mai gusuna na vosa koya, ? Shabbath Shalom?.

Eso era dau kaya; Good Shabbath.

Na vosa oqo era dau kaya se tukuna ga ena nodra Siga Tabu.

E dau vakaciriloloma dina na bula vata kei ira na Jiu baleta ni ra bula sara tikoga ena dua na i tovo se dua na i vakarau ni bula ena rawa ni da raica saraga kina na dei tu ni nodra vakabauta.

O ira na kena marama, era sega ni dau vosavosa vakaveitalia.

O ira na marama era dau tokara ga na i sulu vaka marama dina.

Era dau vakavinivo ligabalavu tikoga ena veigauna kecega.

O na sega vakadua ni raica e dua na marama me vakataurasese se dara e dua na i sulu ni tagine, me rairai tagane tu kina, e sega vakadua.

Ena saqata ni vanua cavaga, o na rawa ni raici ira kina, i na loma ni makete, bus stand, bus stop, loma ni basi, ena vanua ni cakacaka, ena vanua ni nodra soqo, nodra veivalevale, ko na raica ga ni raica vei ira na dei tu ni nodra vakabauta.

O na raica ga na nodra isulusulu, nodra i vosavosa, mai vakarau ni nodra dau yalodina, ni qarava na nodra i tavi, ena nodra vanua ni cakacaka, nai vakarau ni nodra masu ena gauna ni lotu, na nodra i lakolako madaga era sa dau matanataka tikoga na dei na nodra vakabauta.

Na nodra Kalou bula o Jiova ena drake ni bula o na dau raica vei ira.

Io, esa dina sara, era sa tamata digitaki dina ga ni Kalou.

Na i soqoni ni ka kecega oqo, na nodra i vola vivigi levu madaga koya e tiko oqo veiau, era sega ni dau tara vakadua ena ligadra ena gauna era dau wilika kina.

O ira ni ra dau wilika na nodra i Vola Tabu, era dau vakayagataka na pointer, mera dusia na matanivola me ra wilika.

O koya madaga na i Vola vivigi e tiko oqo vei au, au se kauta sara mai ena yabaki 2005, io, esa mai 12 tale na yabaki oqo vei au- e sega vakadua niu bau tara ena ligaqu.

niu raica vakaoqo o na nanuma saraga ni se qai kau tikoga mai ena siga ena noa.

Baleta na kena i rairai ni savasava vinaka saraga.

Kemuni na wekaqu o ira na Jiu era dau maroroya ka dau vakamenemenea, vakamareqeta saraga na nodra i Vola Tabu.

Oqo saraga esa kena i vakaraitaki ni dei na nodra vakabauta.

Ena pepa ni macawa sa oti, au a tukuna tiko kina ni o ira na kawa i Tevita na Tui se o ira na Jiu era dau maroroya ka taqomaka vakavinaka sara tikoga na nodra koro tabu oqo ko Jerusalei ka gaunisala tikoga ni nodra vakadeitaka tikoga na bula ni nodra vakabauta e dua na ka, o koya e a vosa ni yalayala taumada kina na nodra Kalou ena dua na gauna.

Oqo saraga na vosa ni yalayala kivei ira ena i II ni Veigauna 6: 5-6.

? E kaya na Kalou ko Jiova, mai na siga kau a kauti ira tani kina na noqu tamata mai na vanua ko Ijipita au a sega ni digitaka dua na koro ena nodra veimataqali kecega na Isireli me tara kina e dua na vale, me tiko kina na yacaqu; kau sega talega ni digitaka e dua na tamata me turaga vei ira na noqu tamata na Isireli.

Ia kau sa digitaki Tevita me turaga vei ira na noqu tamata na Isireli.

Vosa vaka- Iperiu meda na vulica tiko:

lbus- octobus

lpassport- darkon

l taxi- monit

ltelephone- telephon

l visa- viza

lLehitraoht- See you again

Mobile Healing Ministry - 9590439/9204915/ 7598788

Ena qai tomani tale yani.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.