Cakacaka vakaukauwa: Wilson VILIAME RAVAI | Monday, September 11, 2017

Update: 11:44AM E TUKUNA ko Vicky Wilson na dauniveivakatavulici ni timi ni Fiji Pearls ni dodonu me ratou na vakavakarau vakavinaka ena gauna e ratou sa na qito kina kei na timi ni Sauca Aferika nikua.

E vakaraitaka na tikina oqo ko Wilson ena vuku ni dodonu ga me ratou na tu vakarau na noda goneyalewa ena vuku ni tataqomaki kei na kabakoro ka me rawa ni ratou na veiraurau kina kei na timi naba lima ni vuravura.

E kuria o koya ni ratou na tovolea me na vakayagataki ga nai walewale ni qito ka ratou dau kilai tani kina na noda goneyalewa ena buturara ni qito netball.

E vakavinakavinakataka o Wilson ka doka na nodra vakaukauwa yago vakavinaka na noda goneyalewa ka ra sa tu vakarau ena vuku ni sota kei na naba lima ni vuravura. E tomana ni lima na goneyalewa mai na timi ni yabaki 21 e ratou sa vakaukauwa yago sara tiko vakavinaka ka me rawa ni ratou na qito ena sotasota qo.

Na timi ni Sauca Aferika e ratou a qito wavoki tiko mai ka ratou a druka vei Niu Siladi kei Ositerelia ia e ratou vakadruka na timi naba tolu ni vuravura oya na timi ni Igiladi.

Ia, e ratou a solia na �Fiji Sports Commission e $56,000 kina timi ni Fiji Pearls ena nodratou na vakarautaka na sota kei na timi ni Sauca Aferika ena macawa qo.

E rau na sota tiko na Pearls kei na  Sauca Aferika ena veimama ni ono ena yakavi ni Vukelulu kei na Vakaraubuka ena Vodafone Arena.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.