Kalounidraki VILIAME RAVAI | Monday, September 25, 2017

NA BETE NI KALOUNIDRAKI ...Ko Sireli Lewabobo na Turaga ni colata e Nasau ka sa tiko vua na i solisoli ni veivakabulai vei ira era tauvi kalounidraki. Veitaba:VILIAME RAVAI
NA BETE NI KALOUNIDRAKI ...Ko Sireli Lewabobo na Turaga ni colata e Nasau ka sa tiko vua na i solisoli ni veivakabulai vei ira era tauvi kalounidraki. Veitaba:VILIAME RAVAI

Update: 10:21AM � E TABU vei au me�u veivakamatei, me�u veivakabulai ga vei ira na wekada e tauvi ira na kalounidraki.�

Oya na veika e vakaraitaka ko Sireli Lewabobo na turaga ni Nasau mai Wainibuka ena Vualiku kei Tailevu.

E vakaraitaka ko Lewabobo ni a tekivu na nona veiqaravi me dau vakabulai ira na tauvi ira na kalounidraki ena 50 vakacaca na yabaki sa oti.

�A solia vei au nai solisoli qo e dua na marama ni Nasukamai mai Ra ka vakatakila talega vei au na draunikau me�u vakayagataka me�u veivakabulai kina,� e kaya.

E kuria na turaga yabaki 70 qo ni draunikau e vakatakilai o ya vei koya e walia ga na mate ka tukuni tiko ni kalounidraki.

�Na noqu sa mai veivakabulai tiko qo era sa kila vinaka tu na yasayasa kece qo vaka Wainibuka ni�u dau vakabulai ira na tauvi kalounidraki,� e kaya o koya.

E tomana na turaga ni Colata qo ni sa sivia e udolu na lewenivanua esa vakabulai ira mai na kalounidraki.

�Na kalounidraki era kila vinaka tiko ko ira na wekaqu na turaga ni Ra ka ra kila talega na kena i wali,� e kaya o Lewabobo.

E kaya ni mate qo e tekivu ga mai na lila ni yago kei na kana sa veitaravi tikoga mai vua e dua esa tauvi koya tiko ka lako vata na yavavala ni vurena se na ruku ni kete.

�Oya sara ga na i tekivu ni mate qo ka ni sa lutu ga mai na yago ni ra sa kania tiko na kakana kece o kania na kena manumanu ni kalounidraki,� e kaya o Lewabobo.

E kuria o koya ni manumanu ni kalounidraki na luve ni vuaka lalai ka nodratou manumanu tiko na noqu mataqali mai Nasukamai.

�Eso era dau mai vaqara bula vei au esa laveti sara tu ga mai ena vuku ni bibi ni mate esa bikai ira tu, ia au na raica ga na yaloka ni matadra au sa na kila sara ni tauvi koya dina tiko na kalounidraki,� e kaya o Lewabobo.

E kuria na turaga qo ni dau kila ga o koya ena nona raica na mata, ia kevaka me sega ni nona mate esa na dau tukuna vakadodonu vua na tauvimate ni sega ni kalounidraki ka sa na sega ni rawa ni qarava.

�Ni�u sa veiqaravi e sega ni dau tekivu vakaveitalia, au na dau masu lo ga i lomaqu me�u kerea na kaukauwa ni Kalou me na veivuke,� e kaya.

E tomana o Lewabobo ni dau va ga na siga na nona veiqaravi, ka lako vata na nona veisautaka na kakana me na kania tiko na tauvimate ka sega ni kana vakaveitalia. 

E kuria ni oti ga e va na siga sa na mama sara ga o tauvimate ka sa na rawa ni tucake ka taubale tale.

�Ena gauna qo e levu na vanua i Viti qo era sa vakayagataka tiko na mate qo me ra sauma kina eso na ka era sega ni taleitaka vei ira na wekadra era veicati tiko,� e kaya o Lewabobo.

E kuria o Lewabobo ni mate qo era kila vinaka ga na yasana o Ra, ia ena gauna qo esa voleka ni veivanua kece e Viti era sa kila na vakadewa na mate qo me tauvi koya e dua na lewenivanua.

�Au sa kerei keda ga na lewei Viti me da veilomani ka me da kakua ni cata e dua na wekada, kivei kemuni talega na wekada ko ni kila na mate qo ni veivuke ena nodra vakabulai na wekada era tauvi ira tiko na mate qo,� e kaya o Lewabobo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.