Saqa qele VILIAME RAVAI | Monday, October 9, 2017

E roqo toka oqo ko Mitieli Luvuluvuwaqa na saqa ni wai ka buli mai ena qele ka laurai ena koro makawa o Dawasamu na nodra yavutu na turaga ni Naloto ka volekata na koro ko Nasau, Wainibuka ena Vualiku kei Tailevu.Veitaba: VILIAME RAVAI
E roqo toka oqo ko Mitieli Luvuluvuwaqa na saqa ni wai ka buli mai ena qele ka laurai ena koro makawa o Dawasamu na nodra yavutu na turaga ni Naloto ka volekata na koro ko Nasau, Wainibuka ena Vualiku kei Tailevu.Veitaba: VILIAME RAVAI

Update: 10:18AM A KUNEI e dua na saqa ni wai ena koro makawa ko Dawasamu, ka nodra na yavusa o Naloto e Tailevu ka ra tukuna na kena dau ni se tuli sara na saqa oqo ena 400 ki na 500 na yabaki sa oti.

Vakadeitaka mai o Niko Tokainavatu, dua vei ira na daunivakadidike ena i yau makawa mai na Vale ni Yaya Maroroi ni saqa qele vakaoqo era dau kune  ga vakalevu ena loma ni vanua kei Viti ka vaka kina na baravi kei Nadroga.

�Na noqu dikeva na kanukanu e laurai toka ena gusu ni saqa e tukuna ni tuli ga e Viti ka rauta ni 400 ki na 500 na yabaki sa oti,� e kaya o Tokainavatu.

E kuria o Tokainavatu ni ra dau kauta vata tu na noda qase e liu ena nodra veitosoyaki voli na mataqali saqa vakaoqo.

Na saqa oqo ka buli mai ena qele, e laurai ni sa makawa sara na kena dabe toka ena dua na baba ni sule ena koro makawa qo, ena gauna a laki vakasokumuni tukutuku mai na Nai Lalakai ena vanua oqo.

Ena kena cabeti na yasana ko Delaibureta ena yasa ni koro makawa qo ko Dawasamu e sega ni rawarawa ka ni dau vakayagataki ga na walai me tukuci kina na tamata.

Oya na veika e vakaraitaka ko Livai Boginivalu na bati ni vanua o Naloto mai na mataqali o Ulunivuaka ena koro o Nasau.

�Na saqa qo esa tiko makawa sara ena koro makawa qo ka ra dau vakayagataka na neimami qase me dau taki mai kina na medra wainigunu,� e kaya o Boginivalu.

E tukuna na turaga yabaki 59 qo ni oqo e nona koronivalu ko Qoroivalu na Tui Naloto ka a nodra i liuliu na kai Naloto ni a buli mai Bucawai ni oti na nodra biuti Nakauvadra mai.

�Na yasana qo o Delaibureta e dau yadravi tu vei ira na yadra ni koro qo ko Dawasamu ka dau waraki ga na nona vakatulewa na yadra mo rawa ni gole cake ki na koro makawa se segai,� e kaya o Boginivalu.

E tomana o Boginivalu ka mata ni tikina o Naloto ni gauna e liu era dau rerevaka na lewenivanua na gade ki na koro makawa qo ka ni dau vakatabui me dua e tiko mai kea ni sa ono na kaloko ena yakavi.

Ia, na kena mai laurai na saqa ni wai qo e dua tale na i tukutuku matanidavui e tukuna ka ni duatani toka na i rairai ni saqa oqo ena kena tuli vakamatau ka se taucoko vinaka tu

E veivakurabuitaki na loma ni koro makawa qo ka ni se tu ga kina na saqa qele ka se tuli sara ena drau vakacaca na yabaki, ka se tu vinaka tu ga na kena i tuvaki.

�Na kena e laurai qo mai na nodra yavutu na yavusa o Naloto e i vakadinadina talega ni se tawani makawa na koro oqo ka ni ra laurai tiko kina eso na mataqali saqa lelevu vakaoqo,� e kaya o Boginivalu.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.