Qaqaso cake VILIAME ODRO | Monday, October 9, 2017

Update: 10:30AM � NA gauna i mada o ira na neimami qase era na dau qaqaso e na babavatu ni ra gole cake ki na neimami i teitei.�

E vakadeitaka mai na i tukutuku oqori o Emosi Jikowale na nodratou Ramasi ka Tui Tuvuca tiko e na gauna oqo.

E kaya o Jikowale ni nodratou koro e sa veivatu walega, ia na vanua ga ni nodra teitei e tiko e na delana e cake, ka kena gaunisala duadua ga mo drasiva cake na babavatu ka tiko e yasa ni koronivuli.

Na gauna e liu e se rerevaki sara ka ni gauna ko na gole kina ki na i teitei o na qaqaso cake e na babavatu, la�ki teitei, ni ko sa lesu mai o na qaqaso sobu tale mai ki na babavatu.

�Na gauna keimami sa gole cake kina, keimami na qaqaso tiko ki na babavatu ka rai tiko ki wasawasa baleta e na ririko na yalomu, ka rawa ni ko lutu kevaka ko raica sobu tale na vanua o sa sivita oti e na kena sa rui yawa ki ra.

�Na gauna keimami sa kauta mai kina na kakana dina, e na vesu mai e na dakui keimami, oti keimami qai rai tale tiko ki wasawasa, ka kakua ni rai ki ra de ko na qai taqaya ka lutu na nomu i usana,� kaya o Jikowale.

Tomana na turaga yabaki 74 oqo ni tekivu mai na nodra gauna na nodra qase, mai donumaki ira na i taba era se bula tiko e na gauna oqo, e sega vakadua ni dua na tamata e se bau lutu e na nodra gaunisala ki na i teitei.

Ia, e vakavinavinaka ga vakalevu ki na matanitu cokovata na UNDP e na kena vakailavotaka na i yaya me caka kina na i kabakaba simede ka sa tu na vatukana e na siga nikua.

Kuria o Jikowale ni taura vinaka sara ga e dua na vula na nodra tara na i kabakaba na lewe ni yavusa, mai na i ka 13 ni siga ni vula ko Jiulai, ki na i ka 21 ni siga ni vula ko Okosita e na yabaki 1998. 

Sa vakavinavinaka talega vakalevu ko Jikowale ki na matanitu ka veiliutaki tiko e na yabaki o ya e na kena vakarawarawataki na gaunisala ki na nodra i teitei.

�Qo sa qai totoka sara ga na neimami gaunisala ki na i teitei, ka sa rawarawa talega na kena colati sobu mai na kakana dina kei na veika tale e so.

�Sega tale ga na i ulubale kevaka e dua e bikaca tiko na dela ni yavu e na gauna oqo, ka qai sega ni dua tiko na nona i teitei,� tinia o Jikowale.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.