E sa dredre dina UNAISI RATUBALAVU | Monday, October 9, 2017

Update: 10:34AM E LAURAI ni dredre vakalevu vei ira na noda era tiko ena loma ni vanua, kei ira era tiko mai yanuyanu na kena sa vakayagataki na tikite ni basi se na e-ticketing ena vuku ni veilakoyaki ena basi.

Vakaraitaka na radini vanua mai Lewa e na colo kei Viti Levu o Milika Ketewai ni ra sa veitalanoa tiko ko ira na vo ni marama era dau vakayagataka na basi ena veimacawa se na caka vakacava kevaka era na gadreva me ra na laki vakatawana na nodra tikite ni basi ena i lavo.

�Vei keimami na i taba qase e veimama na i vodovodo ni basi keimami sauma e $2.75.

�Ia vei ira na kena vo, era dau sauma e $5.50.

�E levu vei keimami esa tiko na neimami tikite, ia e sebera tu ni vakatawani kina na i lavo me rawa ni qai vakayagataki.

�Keimami sa lomaleqa tu qo, ke sa sega ni keimami vodo, baleta ni sa sega ni ciqomi na sede mai vei draiva, keimami sa na taubale ga,� e kaya o Ketewai.

Na neitou turaga ni vanua, e sa yabaki 90 sara tu ga ena yabaki oqo, e na caka vakacava kevaka e tauvimate, qai sega tu ni vakatawani tu na tikite ena sede, me keimami qai veilakoyaki vakacava.

Tukuna ni sa ka ni veitalanoa tiko vei ira mai na koro o Lewa e Savatu ena gauna oqo na veika e sa tuvalaka mai oqo na matanitu me baleta na tikite ni basi.

Mai Beqa, kaya na turaganikoro mai Rukua ni rairai era sebera ni ya dua na tikite ni basi na lewenikoro ena gauna oqo.

�Qo kevaka ena gadrevi me keimami vakatikite ni basi, ia keimami na sauma e $30 na neimami vodo idini cavu yani ki Navua, lesu tale mai, qai taqa tale e cake na i sau ni kena voli na tikite kei na sede me vakatawani kina na tikite ni basi.

�Au vakabauta ni dodonu me da mai veitalanoataka mada na i tuvatuva vakaoqo, ni bera ni qai vakayagataka na lewenivanua e Viti.

�Vei au, e sa bau vakavu ogaoga tale, ka lusi tale e dua na i wase ni lavo me da rawa ni oka ena veiqaravi esa vakaukauwataki mai oqo me da na cakava,� e kaya o Orisi Cagilaba.

E vosa tale tikoga na i Liuliu ni To ni Veisaqa o Ro Teimumu Kepa ni sa veilecayaki sara na lewenivanua ena siga Moniti, ka ni so era sega ni rawa ni vodo ena basi ni sega na nodra tikite ka so tale e  bera ni ra tawana na nodra tikite.

E so tale na kudru e tauri rawa ni so na misini ni tikite ena basi, era sega ni cakacaka tu.

Vakaraitaka na Vunilawa ni matanitu o Aiyaz Sayed -Khaiyum ni oqo e so na leqa e dau yaco ni taurivaki e dua na i tuvatuva vou e vakadavora na matanitu.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.