Gunuvi vakasivia ni yaqona UNAISI RATUBALAVU | Monday, October 9, 2017

Update: 10:34AM ESA vakatanitaka tiko e levu na i taukei, vakabibi vei ira na i talatala na kena vakayagataki se gunuvi vakasivia na yaqona.

Oqori na nona rai o Talatala Jone Mateiwai na vunivola levu ni Fiji Evangelical Fellowship.

E vakamatatataka talega ni sega ni ca na kau oqo na yaqona, ia na kena vakayagataki vakasivia se vakayagataki me dau qaravi kina na tevoro, e dua na ka me da na qaqarauni kina.

Ena nona vakamatatataka na veika e vosa kina na Kalou ena Vunau ni Soro 10: 8 - 11 kei na Aisea 28, e vakaraitaka o Talatala Mateiwai ni virikotori ena wase ni vola qo na veika e dodonu me cakava e dua na parofita ni Kalou kei na veika e sega ni dodonu me cakava.

�Dua na ka levu e sa yaco tiko e Viti ena gauna nikua kei na veisoqo au dau lako kina, na levu ni nona gunu yaqona o ira na i Talatala, sega walega ena dua na mata lotu, sa wili tiko eke eso na lotu Penitiko, o ira na kena i talatala kei ira na kena matabose.

�Era sa tiko saraga ena kena vakatagedegede e cake, era sa qai dau veiwalitaka tiko se mata ni fika cava era qai maca kina ena vanua ni gunu yaqona.

�Eso tale na matalotu, era sa dau kaciva na i talatala na bilo levu.

�Ia na veika kece oqori e sa vosa oti tu kina na iVola Tabu ena i vola nei Emosi ena i tukutuku Makawa.

�Levu na gauna o ira na i  talatala era sa bilo lelevu tiko, era sa volia tiko vakalevu na yaqona,� e kaya o Talatala Mateiwai.

E vakamatatataka o Talatala Mateiwai ni sega ni dua na ka vua ke ra gunu yaqona na lewenilotu, ia e bibi tiko vua e dua e kaya ni sa i Talatala se lumuti ni Kalou me na vulica na veika e sa vosa oti tu kina na Kalou ena nona vosa ena vuku ni valavala ni bula e dodonu me na vakaitovotaki koya kina e dua na i Talatala.

( Namaka na macawa mai oqo na kena sereki yani eso tale na yavu ni bula eda sa malumalumu kina na kawa i Taukei).

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.