Yalovata ga e rawata na solesolevaki ni kawakawa ena Wainimala VILIAME ODRO | Monday, October 9, 2017

Update: 10:35AM ERA se yalovata tikoga na lewe ni Tikina o Noemalu e na yasana o Naitasiri e na nodra tosoya tikoga vakataki ira na nodra gaunisala ka vakakina na nodra sa veisautaka na nodra i kawakawa mai na bitu ki na kauvaro.

E vakadeitaka mai na i tukutuku oqori o Eneriko Tuinatau ka nodratou i liuliu na komiti ka ra saga tikoga vakataki ira na nodra gaunisala me tekivu mai na vula o Epereli ni yabaki oqo.

�Era se kerekere mai na neimami qase, ka yacovi keimami mai na i taba ena gauna oqo, keimami se wawa tikoga.

�Au vakabauta kevaka me rai sara vakayalomatua se rai sara vakatitobu na matanitu, e sega tale ni dodonu me keimami qai kerekere tiko, baleta ni vu ni rarama ni vanua o Viti e dabe sara tikoga e na neitou tiki ni qele.

�Ia, keimami vakavinavinaka tikoga ki na matanitu ni ratou sa ciqoma tiko na neitou kerekere ka se bera tikoga ni dua na kena macala.� kaya o Tuinatau.

Na vuna gona o ya keimami sa nanuma kina e na neimami Bose ni Tikina e na vula ko Maji me sa rauta mada na wawa tiko, ka me sa cakacakataki e dua na ka me baleta na neimami gaunisala.

E vakavinavinaka vakalevu o Tuinatau vei rau na turaga o Ratu Josaia Qereqeretabua na i liuliu ni Yavusa e na koro ko Narokorokoyawa kei Ratu Rusiate Roragaca na vunivalu e Korovou e na nodrau tokona sara vakabibi na nodratou Bose ni Tikina.

Tomana ni oti ga o ya e ra sa soli na lewe ni tikina ka ra sauma na katavila me tataka na nodra gaunisala ka sa yaco tiko ki na koro ko Korovou e na gauna oqo.

E kaya o Tuinatau ni gauna e na cere mai kina na Wainimala kevaka e tau e dua na uca levu, e ra na sereka e dua na mua ni dali ka vesu tiko kina na i kawakawa kau me rawa ni ciri tikoga ka me kakua ni kuitaki.

Na gauna mada ga oqo, keimami  sa cegu sara ga na koro e rua ko Norokorokoyawa kei Korovou ka ni sa kele sara ga na lori e yasa ni koro, ka sa qai cegu na waqadomo era a dau vakayacora tu mai e na dua na gauna balavu.

Sa tiko e na nodratou i tuvatuva na lewe ni komiti e so na lalawa me ratou cokataka cake ki na nodratou Bose ni Tikina e na yabaki mai oqo e na kena sagai tikoga na gaunisala me yaco sara ki na koro ko Tubarua, ka sa tu na nona vakanuinui ni ra na tokona vakalevu  sara na lewe ni tikina na sasaga yaga e ratou sa tuvalaka tiko yani e na gauna oqo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.