Na i taukei ni Nanai Sikeli Qounadovu | Monday, October 9, 2017

Update: 10:38AM NA koro o Draubuta e na Tikina o Noikoro e na yasana o Nadroga/Navosa e dabe toka ena dua na qakilo ka na via taura toka e rauta ni 45 na miniti me da sirova sobu e dua na tua kei na baba.

Qo ni oti toka e via tolu na aua na vodo lori mai Sigatoka ni o muria cake na Valley Rd, veibasai kei na koro ko Laselase.

A gole na tabana ni tukutuku ni Na i Lalakai ena kena gadrevi me vakasokumuni mai na i talanoa me baleta na kena cabe na nanai. 

Ia. e a sega ni kilai ni koro o Draubuta e tiko kina o ira na lewe ni Yavusa Emalu ka nodra vanua na qele vaka Emalu, e nodra manumanu talega na nanai.

Na i matai ni turaga keirau a sota vata o Lemeki Toutou, keirau a lululu ka mokoti au, sa dua na ka na noqu marau ena yalo ni veiciqomi kei na veivakataukeitaki mai vua na turaga oqo.

Na turaga qo o Toutou e Turaga ni Yavusa o Emalu, ka i liuliu talega ni mataqali o Emalu, ka nona manumanu na nanai.

Na Nanai, na manumanu e vaka na i rairai ni manumanu na Maka ka taba toka ena noda i  lavo e Viti oya na noti  $100.

E na neirau veitalanoa toka a qai vakaraitaka o Toutou, ni a mositi koya ni a sega ni ra bau nanumi na kai Emalu, se dua na vakavinavinaka me bau caka e na kena mai vakayagataki na nanai me taba ena $100.

�Me yacova mai na gauna qo sega ni se bau dua na i lakolako me vakaraitaka ni kena vakayagataki na nanai ena $100, e mositi au ni lai tabaki tu na noqu manumanu turaga e na $100. 

�E sa bau mositi au na gauna au raica kina, ni sega ni keitou bau nanumi na i taukei ni nanai ena kena vakayagataki. 

�Dua na yasana au marautaka ni taba toka, ia kevaka walega mera muria na kena gaunisala dodonu me mai vakaraitaki vei keitou na kena i taukei dina e maleka sara ga ya.

�Ia, au marau vakalevu e na nomudou yaco mai baleta ni dou qai suka qo e sa na qai rawa ni vakaraitaki na kena itaukei dina.� tinia o Toutou.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.