Na bula ni gugumatua Tabacakacaka i Taukei | Monday, October 9, 2017

Update: 10:39AM QO na itoma ni ivakamacala i Sisa Matanisiga na manidia Liu ni Namolevu Beach Bures. E gadreva na Tabacakacaka iTaukei me wasea na itukutuku ni otela qo baleta ni navuca na kena vakasamataki e rua na gone itaukei, e rau vola na kena pepa, cakacakataka na kena tauyavu ka kena usutu ni taukena na kawa itaukei. E nuitaka na Tabacakacaka iTaukei ni na vakavure vakasama vakalevu vei keda na taukena na iyaubula na lewe ni itukutuku ni macawa qo.

Qo na ikuri ni vakamacala i Sisa Matanisiga. Ni wiliwili sara yani. 

Me vaka au sa vakaraitaka oti, na vakavinavinaka levu ena Tokatoka o Hema, ena nodratou vakadonuya me cakacakataki na nodratou iyaubula. Keimami a tekivu ena sega ia qo sa dua na ka. 

Na iwalewale ni kena rawati bau dua toka na sala balavu e muri. Matai ni neirau vakamacala ena FDB qo ena ikalima ni siga ni vula o Me 2016. 

E mai vakadonuya na kerekere na FDB ena vula o Okotova 2016. 

Mai na Okotova 2016 ki na Tiseba 2016 sa qai tekivu soli mai vakamaluya na ilavo me tekivutaki kina na cakacaka. 

�Na ivakarau ni noqu bula, na kece meu cakava me caka tiko ena vuku ni nona lomani na tamata, se tamata cava, se tokatoka cava, se mataqali cava, ena noqu raici keda vata tiko ga ni o keda e dua tiko ga na umatamata. 

�Eda qai mai vidavidai ga ena i vakavuvuli vou ko a qai lako mai, ia o keda eda dua tiko ga, se da tiko mai Ono-i-lau se mai Cikobia, se tiko mai Yasawa-i-rara se tiko ena lomanivanua kei Naitasiri, eda dua tiko ga na umatamata nida yavutaki ena vitu na yavusa ka ra tauyavutaka na noda qase. 

�Qori na veika e dau tara tu na noqu bula, au dau solia tu ga kina noqu bula ena veiqaravi. Au sa cegu tu qo, levu era taroga se cava tale au rawata, ia me vaka ni se tiko vei au na kena vakasama, na kaukauwa ka rawa ni lai tosoi tiko eso na ka, au na tomana tiko. 

�Na kena mai vakavotukana na iyaubula qo, au vakavinavinaka vei iratou na Tokatoka Hema na nodratou veivakabauti, au vakavinavinaka vei Luke ni keirau a mai cakacakataka vata na nodratou iyaubula. 

�Na noqu ivakasala vei keda na kawa itaukei ena gauna qo; matai meda veivakabauti, meda veivakabauti sara ga vakamatavuvale, meda veivakabauti vakaitokatoka, veivakabauti vakamataqali, da qai veivakabauti vayavusa, qai veivabauti vakoro, vakayasana. 

�E dua na ka qo na veivakabauti, e sa vaka me takali vakamalua tiko yani ena keda maliwa. Ia, ena sega ni rawa nida veivakabauti ke sega na dina. 

�Meda tamata dina, dua na ka bibi qo m�eda tamata dina. 

�Qori e itukutuku levu, e levu na draki ni bula eda lako curuma sav aka e yali kina na dina, ia na yavu levu ga na noda vakabauta na Kalou. 

�E dodonu meda ciqoma tiko na draki ni bula eda lako curuma baleta ni vakatara tiko na Kalou me vakatovolei kina noda vakabauti koya, na noda vakararavi vei koya kei na noda vakanuinui vua, kevaka e segai ena sega na dina, ni sa sega na dina e sa sega na veivakabauti. 

Qori na yavu levu meda tarai keda ca�ke kina, meda kauta laivi na dokadoka, meda kauwaitaka mada ga na yavu levu ya. Na kena ikarua, ni sa sega na dina, kena cakacakataki sa qai sega sara, na bula sautu sa qai sega sara. 

�Na ivola i Aisea sa vakamatatataka kina o koya, O yau o Veivakurabuitaki. 

�Qori e vica na yavu lelevu me vakayavutaki kina na noda vakabauta, noda rai, noda veiwekani, meda raici keda tiko ga nida dua na umatamata. 

�Au sa na vosa tiko ga yani vakararaba, au sega ni vosa ena saravanua se ena teitei, qo ena vukuda na itaukei vakararaba. 

�Qo na veika a sotavi ena kena sasagataki e dua na cavuisausau levu ena baravi qo, kevaka eda vosa tiko ga sega ni vakavotukanataki ia ena sega tiko ga ni dina. 

�E dua tale na tikina bibi na vakayagataki ni gauna, na gauna na Kalou baleta nida vakayataka vakavinaka noda gauna e tarava sara ga mai na bula sautu, qori e vaka iVola Tabu. 

�Ni sa levu na noda vakayagataka na gauna ena veika caca wale eda qai namaka tiko na bula sautu, eda na sega ni rawata. 

�Au sa kerea vei keda nida na sega ni rawata na bula sautu kevaka eda sega ni vakayagataka tiko vakavinaka na noda gauna. 

�E levu vei ira na duikaikai era tu qo era dabe toka ga ena gauna. 

�E vica toka na yavu lelevu, matai meda tamata dina meda tamata vakabauti, kena ikarua meda tovolea meda vakayagataka vakavinaka noda gauna, meda kakua ni beci keda, o keda eda tautauvata e mata ni Kalou, kevaka era sa rawata na veika lelevu na wekada, e cava e sega ni rawa kina vei keda.�

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.