Beka mirimiri e Nasau VILIAME RAVAI | Monday, October 9, 2017

Na qara vatu ka ra dau tiko vakalevu kina na lulu ka ra vakatoka e Nasau me qara ni lulu. E tiko talega na qara vakaoqo ena baba sule oqo ka ra dau vuni tiko e loma na beka mirimiri. Veitaba: VILIAME RAVAI
Na qara vatu ka ra dau tiko vakalevu kina na lulu ka ra vakatoka e Nasau me qara ni lulu. E tiko talega na qara vakaoqo ena baba sule oqo ka ra dau vuni tiko e loma na beka mirimiri. Veitaba: VILIAME RAVAI

Update: 10:41AM E DUA na mataqali beka e tiko qo e Viti ka yacana na beka mirimiri e sa lailai sara tiko na kedra i wiliwili e ra dau tiko ena qaravatu mai na koro o Nasau, e Wainibuka.

Na qaravatu oqo e rauta ni 1 na aua mai na koro o Nasau, ka ra dau vakayacana tu ga na veiqara vatu oqo me o Qaranilulu.

Oya na veika e vakaraitaka ko Josefa Dugucagi e dua na turaga mai Nasau e Wainibuka ena Vualiku kei Tailevu.

E kuria ni dau vakatabui vei ira ena gauna era se lalai kina, me ra dau kauta tani mai loma ni qara na beka oqo.

E vakamacalataka ko Dugucagi ni beka qo e beka somidi lailai toka ga ka 18 na senitimita (cm) na beka yalewa.

�Ia na beka tagane e 20 na senitimita na kena balavu,� e kaya.

Na vutina e dromodromoa sigasiga ka dravukasi toka. Na drau ni uluna e lekaleka ena kesuna ia e seninawanawa rarama na roka ni yaloka ni matana. E gagata na batina ka sega ni laurai ena dua tale na bati ni beka e Viti.

�Sega ga ni macala se cava na vuna e dau vakatabui kina me keimami kauta tani mai na qara oqo na beka mirimiri qo,� e kaya o Dugucagi.

E kuria o koya ni gauna e liu era dau tei vudi ena nodra loma ni koro ka ra dau mai ro vakalevu na mataqali beka qo ena veibogi ena nodra dau mai kania na vudi dreu.

Ia, ena vakadidike e ratou cakava vata na Univesiti ni Ceva kei Ositerelia, Univesiti ni Ceva ni Pasivika kei na Nature Fiji-Mareqeti Viti ena 2009 ka tobo rawa e dua na beka bukete ena vula o Me, 2009 ena Des Veoux Peak kei na dua tale na vakadidike e vakayacori mai Delaikoro Peak mai Vanua Levu ka vaka talega kina na kena ka laurai mai na veikau mai Taveuni.

�Na beka mirimiri vata ga oqo e tiko e na qara e Nasau ka sa lailai sara tiko na kedra i wiliwili,� e kaya o Dugucagi.

E kuria o Dugucagi ni levu na veika vuni kei na manumanu vuka ka vaka me ra sa yali yani ena gauna qo era tiko talega ena veiqara vatu ena loma ni vanua qo e Nasau.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.