Me dei nomu vakabauta LEKIMA LAWENITOAKULA | Monday, October 9, 2017

Update: 10:44AM Aisea 2: 3 Ni na lako yani mai Saioni na i vunau kei na Vosa i Jiona mai Jerusalemi.

For out of Zion shall go forth the Law and the Word of the Lord from Jerusalem.

 Ki Mitzion Tetzei Tora - Udivar Adonai Mirushlayim.

 Luke 13: 35

Sa kalougata ko koya sa lako mai ena yaca ni Turaga.

Ni sa bula vinaka tale mai na wekaqu lomani mai na veiyasai Viti ko ni dau taleitaka na noda ulutaga oqo ena veimacawa.

 Ena siga Vakarauwai 16 ni vula o Seviteba ni 2017 e sa yabaki rua vinaka kina na noqu volavola tiko ena noda niusiveva oqo,

 E talei vei au na noda i ulutaga oqo- Mo vakadeitaka na nomu vakabuta.

 Meu dau veiwasei tiko kina ena veimacawa se ena veigauna kecega.

 Baleta ni�u a bula vata sara tikoga mai kei ira na Jiu/ Isireli kei na Iperiu ena loma ni ciwa na yabaki.

 Sai ira oqo na kawa i Eparama se o koya na Tama ni Vakabauta.

E a tukuna toka o Jemesa e na Wase 2, tikina e 17 : ni na mate na vakabauta kevaka e na sega ni cakacakataki.

 E dua na taro au dau taroga tiko; io me na qai cakacakataki vakacava na noda vakabauta baleta me kakua ni mate rawa kina?

 Au dau sauma tale na taro oqo, au qai kaya ena vakasama rawarawa ga oqo, matai ni vakasama ni qiri ga na lali ni lotu, mo lako i lotu.

 E sega kina na i vola ni curu vanua se na visa.

 O iko mo na kauti iko ga yani i valenilotu, laki vakarorogo.

 Baleta ni tiko na i sau ni lotu,

 Ena Iperiu 10: 35 - O koya oqo mo dou qai kakua ni biuta na nomudou dinata ena levu na kena i sau.

 Kemuni na wekaqu, oqo saraga na i sau ni lako i lotu.

 Ena Iperiu 11: 6 Kevaka sa sega na vakabauta, sa dredre mo dou vinakati.

 O koya sa torova na Kalou e dodonu me na vakabauta ni sa bula ko koya. Ni sa saumi ira e ra sa dau vakasaqarai koya.

 Oqo talega na i sau ni lotu.

 Kemuni na wekaqu mai na veiyasai Viti, kevaka eda na dau tabutabu lotu, e dodonu me da na kila tiko ni da sa na sureta sara tikoga na bula druka, na bula dravudravua, na bula dredre, na bula ni yalowai, na bula ni lecaika, na bula ni tauvimate kei na bula ni veilecayaki ki na noda matavuvale.

 Na cakacakataki ni vakabauta e tekivu sara tikoga mai vale,

 Me kakua ni mate na vakabautamai vale ena cakacakataki vakaoqo.

 O Tata ena taura tikoga na nona i tutu, vaka talega vei Nana, se o iratou na gone era na gone tikoga, ka sega ni rawa mera na kalawaci Tata kei Nana.

 E tiko na mavoa ni kevaka me da na dau kalawa vakaveitalia.

 Na cakacakataki ni vakabauta oqo ena dewa sara yani ki na mataqali, yavusa se ki na vanua, mataniti kei na lotu.

 Maciu 18: 18 A ka kecega dou na vauca e vuravura, ena vauci mai lomalagi; ia na ka kecega dou na sereka e vuravura, ena sereki mai lomalagi.

 Kemuni na wekaqu ena rawa ga ni da na qai laki sereki i lomalagi.

 Kevaka eda sa na veisereki rawa yani e vuravura.

 E vuqa vaka vuqa vei keda e sa laki via kai lomalagi tiko, ia na bula e vesuki tu yani ena loma ni vuvale, ena loma ni mataqali kei na loma ni yavusa.

kevaka eda vinakata me da na rawati lomalagi, io, me da sa na cakacakataki keda rawa yani ena vuravura eda tiko kina oqo.

 Iperiu 12: 14 Dou segata mo dou veivinakati kei ira na tamata kecega kei na yalosavasava ni sa sega e dua ena raca na Turaga kevaka e sega vua na ka oqo.

 Ni o sa cakava tiko na oga ni nomu vanua kei na lotu- o iko o sa vakadeitaka tiko na nomu vakabauta.

 Ni o sa kukuva dei tikoga na noda i tovo nai Taukei ( ni sa i tovo dina saraga va- Kalou), o iko o sa vakadeitaka tiko na nomu vakabauta.  Kemuni na wekaqu, na vakabauta e dau cakacakataki.

 Na noqu qaqani masu tiko e na veisiga e dau vakaoqo, � Turaga, e levu saraga era gadreva tu mera sotavi ena loma ni makete, ena loma ni basi, ena loma ni waqa, ena valenibula,e ra qiri mai me ra masulaki yani ena talevoni, era qiri mai.

 Me ra lakovi yani, au sa kerei kemuni ena veigauna kecega me�u na dau masulaki kemunini dau vakatara me dau ogaoga ka veitokoni ko lomalagi ena qaqa ni masu au cavuta.

 Baleta oqo saraga na gaunisala era na vakadeitaka kina vakavinaka na nodra bula ni vakabauti kemuni.

 Ni da na vakadeitaka tikoga na noda bula ni vakabauti koya, e na dau vakayagataki keda saraga vakavinaka na noda Kalou ena veivanua cava ga eda bula kina.

 Joni 14: 12 E dina, e dina, au sa kaya vei kemudou, o koya sa vakabauti au, ena kitaka talega na cakacaka kau sa kitaka, ia ena kitaka na cakacaka e uasivi cake ena ka oqo.

  Vosa vaka- Iperiu.

i) attractive- mosekh

ii)cute- khamud

iii) scary- mafkid

iv) nice - yafe

 Naba ni talevoni mo ni qiri mai kina: 9204915/9590439/ 7598788.

Ena qai tomani tale yani.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.