Na Domo ni Parofisai mai na Lotu i Kavitu Ni Lesu Vakarua Mai VILIAME RAVAI | Monday, October 9, 2017

Update: 10:44AM ESA koto oqo era na i kuri ni itukutuku ni Domo ni Parofisai mai na Lotu i Kavitu ni Lesu Vakarua Mai, ni wiliwili sara yani.

2. E a lako mai vei ko Setani me vaka e vakaraitaka ko Jisu?

�Sa kaya vei ira ko koya, au a raici Setani ni a lutu mai lomalagi me vaka na livaliva.� Luke 10:18

3. Io, oqo na ka e kainaka na Turaga ni a raici Setani ni a lutu mai lomalagi.

Ko cei na yacana na tevoro ena gauna a tiko kina mai lomalagi?

�Ia, na nomu lutu mai lomalagi, ko iko Lusefa na kalokalo i vola siga na nomu ta vakabalei sobu kina qele, ko iko ka dau veivakasaurarataka na veimatanitu.� Aisea 14:12.

Ko Setani e a dua na Agilosi totoka mai lomalagi. Na yaca ko Lusefa, e kena i balebale-Kalokalo ni Siga. E turaga serau ka totoka ko koya, me vaka na matanisiga se qai cadra.

4. A vakasama ca cava a lako mai vei Lusefa? A cava e vakayacora ko koya?

�Io ko a kaya e lomamu, ka�u na cabe ki lomalagi, kau na vakaceceretaka na noqu i tikotiko me cecere ka lolovira na kalokalo ni Kalou ka�u na tiko talega e na dela ni ulunivanua ni soqoni, e na tikina kina Tokalau. Ka�u na cabe kina yasana ki cake me no ki ra na o.

Ka�u na tautauvata kaya sa cecere sara.� Aisea 14:13, 14.

Ko Setani e dua tu na Agilosi mai lomalagi. Ea sega ni via vakarorogo vua na Kalou. E a via tui ko koya me vaka na Kalou. E tukuna ko koya, �Au na tautauvata kei Koya sa Cecere sara (Kalou). 

Sa rui dokadoka ko koya. Na nona qaciqacia oqo e vakavuna na nona i valavala ca. 

�Ko sa vutu ni vuku, ko sa lagilagi duadua ga. Ko a tiko mai Iteni na were ni Kalou. 

Ko sa ubi ga ena vatu talei kecega, ... ko iko na jerupi ka lumuti na kena i vakaruru, ia, ka�u a vakatikori iko, ko a tiko ena ulunivanua tabu ni Kalou,... sa dodonu sara ko iko ena nomu i valavala mai na siga ko a buli kina, ni se bera ni kune vei iko na caka cala.� Isikeli 28:12-15.

5. A cava so na ka e a lako mai ena yalo i Lusefa me vakavuna na nona dokadokai koya?

�Sa laveti cake na lomamu ena vuku ni nomu lagilagi, o sa vakacacataka na nomu vuku ni ko sa mata vinaka.� Isikeli 28:17.

E a vakasamataka ko Lusefa na nona lagilagi kei na nona vuku. 

E a dokadoka sara ko koya, ka nanuma me sa uasivi cake ko koya mai Vua na Kalou. Oqo na i valavala ca. 

E a lomani Lusefa na Kalou. Ia, ko Lusefa e dua ga na Agilosi a buli koya na Kalou. E na gauna sa dokadokai koya, sa veisau na yacana. 

Na i Vola Tabu sa vakayacani koya me Setani. Ia oqo ko Setani sa vinakata me vakataki Koya na Kalou, ka nanuma me veiliutaki me sivia na Kalou.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.