Muria na lawa VILIAME ODRO | Monday, October 9, 2017

Update: 11:11AM KEVAKA e ratou vinakata na Fiji Airways Drua me ratou na qaqa e na macawa oqo, e dodonu me ratou laveta cake tale na nodratou i vakatagedegede ni qito, ka vakamuria vinaka na lawa ni rakavi.

Na i vakamacala oqori e vakadeitaka mai ki na Na i Lalakai o Watisoni Ratulevu na dau ni veivakatavulici ni timi ni Northland mai na vualiku kei Tailevu.

E kaya o Ratulevu ni sa vica vata na qito e ratou qitotaka mai na Drua ka ratou sa qaqa tiko mai kina, ia e dodonu me ratou na vakavinakataka cake tale na nodratou vakavakarau e na Vakarauwai oqo.

�Dina mada niu sega ni sarava na nodratou qito e na macawa sa oti, ia mai na kai e ratou solia vei iratou na timi ni Canberra Vikings, au rawa ni vakadeitaka ni ratou taqomaka vinaka sara na polo na timi ni Vikings, ka sega ni solia e dua na vanua me ratou cila rawa yani kina na Drua.

�Na mataqali tataqomaki e ratou vakayacora toka o ya na timi ni Vikings e rawa ni kasere ga kevaka me ratou vakasakucataka yani na timi ni Drua na tataqomaki vaka o ya,� kaya o Ratulevu.

Tomana ni qaqa veitaravi e ratou kana colacola tiko mai kina na Drua, e vaka me cere kina na seredratou, ka rawa ni ratou guilecava na i tuvatuva e sa tuvalaka tiko yani na nodratou dau ni veivakatavulici.

E kaya o Ratulevu ni o keda na kai Viti, e so na gauna e dau cere na sereda ni da sa vakadavora na jabeni e na sotasota ni NRC e na yabaki sa oti

E ka ni kidacala vei keda na lewe i Viti ni ratou mai dalasai na noda toa ni vala vua na timi ni Vikings, ka dua na veisivi levu mai na nodratou i qitoqito e na nodratou vakadavori Perth Spirit e na macawa yani ki liu.

Kuria o Ratulevu ni rawa ga ni na davo na timi ni Greater Sydney Rams e na macawa oqo kevaka me ratou na vakavinakataka cake tale na nodratou malumalumu na timi ni Drua e na nodratou vakamuria vinaka na veika e virikotori tiko e na loma ni lawa ni qito rakavi.

Tomana ni dodonu me ratou vakaseretaka na tataqomaki mai yasana kadua, ka me kakua ni malumalumu na nodratou saga mai na polo.

Sa tu na nona vakanuinui o Ratulevu ki vei iratou na cauravou ni na veisau tale na mata ni cagi e na macawa oqo, ka me laveti mai na rara mai Serene ni oti na 80 na miniti.

E na gauna oqo e sa tiko e na i ka va ni tutu na timi ni Drua, ka nuitaki tiko ni ratou na ladeva cake tale mai na i kabakaba e na macawa oqo.

E rau na veitavulaki tiko na timi ni Drua kei na Rams e na rara na TG Miller Oval mai Serene, Ositerelia e na 3 na kaloko e na siga Vakarauwai ga oqo.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.