Wai bulabula VILIAME RAVAI | Monday, October 16, 2017

E tavoi tiko oqo ko Keverieli Nairabelevu ena wai bulabula mai Nasau, Wainibuka ka ra vakila na lewenivanua mai kea ni dua vei ira na wai bulabula ka tautauvata kei na veiwai ka sa tawai tavaya tu ena gauna qo me vaka na Fiji Water. Veitaba: VILIAME RAVAI
E tavoi tiko oqo ko Keverieli Nairabelevu ena wai bulabula mai Nasau, Wainibuka ka ra vakila na lewenivanua mai kea ni dua vei ira na wai bulabula ka tautauvata kei na veiwai ka sa tawai tavaya tu ena gauna qo me vaka na Fiji Water. Veitaba: VILIAME RAVAI

ESA kunei tale e dua na wai ni gunu ena gauna qo mai na koro ko Nasau e Wainibuka, ka tauri rawa ni levu sara na veika bulabula e tiko kina.

A vakadinadinataka na i tukutuku oqo na Nai Lalakai ena nona la?ki sikova saraga na vanua e kacabote toka mai kina na wai qo ena dua na yasa ni baba vatu.

E vakaraitaka ko Josevata Dugucagi na i taukei ni wai qo ni ratou sa vakauta oti e na 2012, na sabolo ni wai ni gunu oqo me laki vakadikevi e Koronivia ena kena vale ni vakadidike.

?Ni oti na kena vakadikevi e Koronivia, e laurai ni 20 vakacaca na veika bulabula e kunei ena wai ni gunu oqo,? e tomana o Dugucagi.

E kuria na nona i vakamacala ni sa vo tikoga qo e vica tale na ka lalai ni bera ni qai vakayacori na cakacaka levu ni veiqaravi ena kena tawai tavayataki na wai qo.

Ena gauna e sikova kina na Nai Lalakai na wai qo esa bau dua na ka na batabata ni wai qo ena gauna e tawai tavaya kina, ia na wai talega qo esa veivakabulai ka ni vakayalia na mate ni kuli ka savata talega na kete ena kena bulabula vinaka.

Ia, e vakaraitaka mai ko Sevanaia Dauciri e dua na daunivakadidike mai na ?Foods Chemistry Laboratory? mai Koronivia ni ka dina taucoko na kena a mai vakadikevi na wai mai Nasau ena 2012.

?E dina taucoko na i tukutuku me baleta na wai ni tiko kina e levu na veika bulabula ena gauna keitou mai vakadikeva kina,? e kaya o Dauciri.

E kuria na nona i tukutuku na turaga yabaki 50 qo ni sa vo tale eso na vakadidike me vakayacori ni bera na kena kau cake ki na Tabana ni Bula me rawa ni ratou vakadonuya ni sa rawa ni gunuvi na wai qo.

Ia, na Nai Lalakai esa la?ki tovolea rawa na wai qo ka vakadinadinataka ni wai qo e uasivi sara.

?Na veika bulabula e tiko ena wai qo ka dikevi rawa ena 2012 mai na Tabana ni vakadidike e Koronivia oya ni sa tiko kina na pH (hydrogen), EC (acronym), mg/L(Phosphate), Fe (Iron), Mn (Manganese), Cu (Copper), Zn (Zinc), Ca (Calcium), Mg (Magnesium), Na (Sodium), Cloride, Nitrate Nitrogen, Ammonium Nitrogen kei na K (Potassium),? e kaya o Dauciri.

E kuria o Dauciri ni na dua ga na gauna lekaleka mai oqo e sa na macala kina na veika taucoko me baleta na wai batabata vinaka oqo. 

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.