E bibi meda na kila tiko UNAISI RATUBALAVU | Monday, October 16, 2017

E vakaraitaka toka na marama mai Naitasiri oqo ni sa buta na rourou ni sa saqa oti ena bitu ena Lotulevu sa oti.  Veitaba: UNAISI RATUBALAVU
E vakaraitaka toka na marama mai Naitasiri oqo ni sa buta na rourou ni sa saqa oti ena bitu ena Lotulevu sa oti. Veitaba: UNAISI RATUBALAVU

E vakamawe na i kelekele ni lori ena daku ni tabavale e na Albert Park ena rua na siga ena macawa sa oti, ena kena vakaraitaki eso na i cakacaka ni kakana kei na i tovo vakavanua eda kilai tani kina na kawa i Taukei.

Ena nodratou cakacaka vata na Tabacakacaka i Taukei, na soqosoqo na Social Empowerment and Education Program, na Soqosoqo Vakamarama i Taukei kei na Viti FM, e mai vakayacori kina na vakaraitaki i Yau ni Vanua ena siga Lotulevu kei na Vakaraubuka sa oti.

Eratou mai vakaraitaka kina na turaga kei na marama mai Ra na i cakacaka ni vuaka tavu, mai Rewa na rourou vakauto, mai Naitasiri na kena vakayagataki na bitu me vakasaqari kina na rourou, mai Dawasamu na ura me tavu ena bitu.

E laurai ni so na gonevuli e Suva, era marautaka na kena tovolei tiko na kakana dina vakaitaukei ka ra matasarasara ena kena vakaraitaki na i cakacaka ni kakana oqo mai vei ira na marama kei na turaga era digitaki mai na nodra koro me ra mai vakaitavi ena soqo oqo.

Vakaraitaka o Leo Nainoka mai na i soqosoqo na SEEP ni soqo oqo e vinakati ga me vakabibitaki vei keda na i Taukei na talei kei na sautu e tu ena noda bula kei na i tovo vakavanua, me vaka na kakana eda kania.

?Me vaka ni sa levu tiko na mate sureti, esa sega tale ni dua na kena i wali, oya me da na lesu ga ki na kena vakarautaki na keda kakana me vaka ga era dau cakava tu na noda qase ena gauna e liu.

?E dodonu talega me na vakabulabulataka tiko ka maroroya na i tovo kei na veika e baleti keda na kawa i Taukei, vakauasivi na kena vakatakilai tiko vei ira na gone era na muri keda mai,? e kuria o Nainoka.

A mai dolava na soqo siga rua oqo o Emi Bainimarama na dareketa ni Tabana ni Tovo kei na Vosa ena Tabacakacaka i Taukei. E mai lutua ni soqo na meke kei na veivakamarautaki eda kilai tani kina na i Taukei.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.