A tara o Solomoni na Tui Viliame Ravai | Monday, November 13, 2017

NA delana ka uto ni veileqaleqati ena Tokalau e loma kei vuravura, nikua ena i matai ni gauna era sa kunea rawa kina na daukelikeli na i vakadinadina ni valenisoro nei Solomone na Tui.

Na dina ni veika e tukuni ena Veiyalayalati Makawa me baleta na nona a tara nai matai ni valenisoro ko Solomoni na Tui ka lewe levu sara era vakataroga voli. Me vaka ni levu sara nai vakadinadina ni ivovo ni karua ni valenisoro, e dua ga na i wase lailai ni vakadinadina me baleta na i matai ni valenisoro esa laurai.

E vakaraitaka na i Vola Tabu ni a vakarusai na valenisoro ka a tara ko Solomoni na Tui ena gauna a kabai kina o Isireli mai vei Nepukanesa na Tui Papiloni. Oya ena 587 na B.C ni se bera ni sucu na Karisito.

Na i karua ni valenisoro, na kena i vovo ka wili talega kina na lalaga ni masumasu e Jerusalemi ka a vakarusa o Roma ena AD70.

Ia, e vakaraitaka na Times of Israel ni vovo ni veika e laurai ena dua na vakekeli e vakayacori ena yavu ni valenisoro e a qai laurai kina na i vovo ni yaya ni veiqaravi ena i matai ni valenisoro ka tiko na kena yabaki ena 2600 na yabaki.

E vakaraitaka na niusiveva ni a vakadonui na kelikeli qo mai na soqosoqo ni musolomani mai na 7th Century Dome of the Rock, ka ra a vakabauta ni vanua oya a kau kina ki lomalagi na parofita o Mometa (prophet Mohammad).

Ia, na vanua vata oya e vanua tabu ka a tiko kina na vatu ka a via cabori Aisake kina ko Eparama, Aisake ena i tukutuku vaka i Vola Tabu, ia ena i vola vaka musulomani era vakatoka me ko Isimeli e vakadewataka na niusiveva.

Na veika e laurai oya na tiki ni dari qele lalai, na sui, kei na saqa ni veika boi vinaka. Ia, era marautaka na daukelikeli ni Isireli ena vuku ni veika me baleta na nodra vakabauta.

E vakaraitaka ko Yuval Baruch na i liuliu ni soqosoqo ni vakekeli mai Jerusalemi ni oqo esa i matai ni gauna me laurai kina na i yaya vakaoqo ka dau vakayagataki ena matai ni valenisoro.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.