Domo ni Parofisai mai na Lotu i Kavitu ni Lesu Vakarua Mai Viliame Ravai | Monday, November 13, 2017

ESA koto oqo e ra nai kuri ni itukutuku ni Domo ni Parofisai mai na Lotu i Kavitu ni Lesu Vakarua Mai, ni wiliwili sara yani.

O cei e bulia na vuravura kei ira era tiko kina?

Wiligusu: E na i vakatekivu sa bulia na lomalagi kei na vuravura na Kalou. Vakatekivu 1:1

E na dua na gauna ni nomu bula ko a dau vakataroga: O cei e a bulia na vuravura O cei e bulia na tamata

E na oti beka na vuravura oqo?

A cava na vu ni nodra dau vakayacora eso na ka ca eso na tamata?

E na rawa vakacava me da kila na ka dodonu?

E da na vulica na veisau ni taro e cake e na vuli Vola Tabu oqo. Eda na vulica kina se o cei a bulia na noda vuravura.

Eda na vulica talega se da lako mai vei na tamata ka da tu e vuravura.

E rairai ni ko ni lotu va-Karisito, ka dau wilika vakawasoma na nomuni Vola Tabu, ko ni na marautaka sara na kena saumi na veitaro bibi oqo mai na i Vola Tabu.

Ko ni na rairai sega soti beka ni kila sara na i Vola Tabu. Na i Vola Tabu sa i koya na i Vola ni Kalou.

E na loma ni i vola taleitaki oqo, ko ni na kunea kina e levu sara nai sau ni nomuni taro. Na veilesoni oqo e na vukea na nomuni kila na i Vola Tabu, ka ni rui lesoni rawarawa.

E sa vakarautaki mo ni vulica ga vakataki kemuni.

Era lewe vuqa era sa vakadinadinataka na kena yaga.

Ni ko ni sa na vakaotia vakavinaka na vuli oqo, sa na levu sara na ka ko ni kila, ka sa na rawarawa talega mo ni vukei ira na wekamuni.

Na veibuli

1. E na i matai ni tiki ni Vola Tabu, o cei e tukuni ni bulia na vuravura?

?E na i vakatekivu sa bulia na lomalagi kei na vuravura na Kalou.? Vakatekivu 1:1

2. O cei e veivuketaka na buli ni vuravura?

?Sai ira na parofita ka vosa kina e liu na Kalou vei ira na qaqa, ena gauna e vuqa, kei na i valavala e vuqa; ia sa i koya na Luvena sa vosa kina vei keda ko Koya, ena gauna mai ki muri oqo; o koya sa lesia ko koya me i taukei ni ka kecega; o Koya sa bulia talega kina na vuravura kecega.? Iperiu 1:1.

Ko Jisu Karisito e a veivuketaka na kena buli na vuravura.

E rau a tiko vata kei Tamana mai lomalagi ni bera ni mai sucu vakatamata e vuravura.

E kaya ko Jisu ena Joni 6:51. ?Koi au na madrai ni bula sa lako sobu mai lomalagi, kevaka sa dua e kania na madrai oqo, e na bula ka tawa mudu, ia na madrai ka?u na solia na lewequ, o koya ka?u sa solia me bula kina ko ira na kai vuravura.?

?Ia, oqo Tamaqu, ni vakarokorokotaki au me daru tiko vata, e na vakarokoroko sa tu vei au, ni daru a tiko vata ni se sega ni caka ko vuravura.? Joni 17:5.

Sa na rawa mo raica eke na vu ni Nona rui kauwaitaka vakalevu na Turaga ko Jisu Karisito na vuravura oqo.

E rau a veivuketaka kei Tamana na kena buli e na i Vakatekivu.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.