Na kedra na Roko Tui Dreketi Viliame Odro | Monday, November 13, 2017

ERA osota na yani nodratou bolabola na koro ko Naivilaca e na Tikina o Noco e na yasana o Rewa, na turaga kei na marama e na siga Vakaraubuka ni macawa sa oti.

Oqo e na kena sa kacivaki mai e na vatavata ni veiqaravi ni ratou sa vakarau tavuna na kedra gaka na Gone Marama Bale na Roko Tui Dreketi o iratou na marama ni koro ko Naivilaca.

E vakadeitaka mai ki na Na i Lalakai o Seruwaia Navunicagi, ni ika oqo na kakana vakaturaga kedra na Roko Tui Dreketi, e sega talega ni dau caka tu ga vakalialia.

Na nodra lala sara ga mai na Tui Noco qai dau caka na ika qo, kena i karua ni vinakata talega mai na Gone Marama na Roko Tui Dreketi, era dau cola yaqona sara ga na Ratu na Tui Noco vei iratou na nodra gonedau mai na koro ko Naivilaca. Dua tale, ni ika vakaturaga oqo e qolivi ga e na vuso ni ua, e sega ni ra butuka na vanua mamati na cauravou, ka ni titobu na vanua e qolivi kina, kaya o Navunicagi.

Tomana na marama yabaki 67 oqo ni soqo e na macawa sa oti e a tavu vakailiu na kedra na Roko Tui Dreketi, ka sa mai tabei sara yani ni bera ni ra qai vakayagataka na kena vo na turaga.

Kuria e na nona kaya ni draki ni veisau e sa tara sara tiko yani vakatotolo na noda veikoro vakaviti, kevaka e sa na vakaweleweletaki e na rawa ni caboka na i tavi nodra na gonedau.

E kaya o Navunicagi, o ya gona na vuna e ra sa dau vakayagataki sara ga kina na gone tagane lalai me ra la?ki qoli mai ni dau lavaki mai e dua na qoli ni vanua, na yavirau, qoli gaka, usouso se vakabatia e na gauna oqo.

?Na i tavi era okati tiko kina o ira na turaga ni yavusa o Matanikoro naba rua.

?Na kena kau mai e dai na ika oqo me mai tavu eke me rawa ni ra raica na i tabagone, ka vakakina o ira na lewe ni yasana o Rewa.

?Kena kau mai na buka mai tuva, ni sa maqala na qilaiso, sa qai tekivu na tavutavu,? tomana o Navunicagi.

Kuria e na nona kaya ni tavu vana qilaiso e damudamu vinaka sara ga, me oti oya qai vakalolo, ya o ni sa na qai kila kina na i kanakana dina ni gaka.

E kaya o Navunicagi ni kedra na Roko Tui Dreketi e dau va ga na gaka, va talega na kena drau ni uto me sala kina.

?Ni sa tavu oti me kudukudua, sa qai sava e na wai ka sala sara e na drau ni uto.

?E rau sa qai veisaumakiti na drau ni uto, rua e olo kina, rua e taqavi e cake, o koya e qai vivi vakadua, e warai ni laurai na drau ni uto, oti oya e sa qai vavi, se vakatakata ga e na kuro.

Gauna oqo e sa warai ni vakayagataki sara vakalevu na mataqali saqasaqa ni gaka vakaoqo, baleta ni sa tu na waiwai, ka vakavuna vakalevu tiko mai na mate sureti,? kaya o Navunicagi.

Tinia o Navunicagi ni i kanakana dina ni ika o ya me tavu ga qai vavi se vakalolo.

Sa vakavinavinaka vakalevu talega na marama oqo ki na yasana o Rewa e na soqo ni kena qarauni me kua ni benuci vakalevu na noda veiuciwai ka vakakina na waitui, ka sa nuitaka tiko ni na levu sara na wekada era na la?ki taqomaka na kena benuci tiko na nodra matasawa e na veisiga ni mataka.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.