Bibi ni tuvatuva: Radrodro UNAISI RATUBALAVU | Monday, November 13, 2017

E VICA na ka bibi e vakaraitaka oqo o Aseri Radrodro mai na i To ni Veisaqa ena vuku ni tuvatuva vakailavo ni matanitu ka dodonu me da na kila raraba na lewenivanua.

E bibi talega na ituvatuva vakailavo ni Matanitu ki vei ira na veisoqosoqo kara dau vakailavotaki mai na Matanitu se ko ira era vakararavi kina vakatulewa ni Matanitu me vukea na nodra porokaramu ni veiqaravi kina na lewenivanua.

E bibi talega kina veikabani lelevu kei na veisitoa lalai baleta ni vakatau kina vakatulewa ni Matanitu na nodra rawa tubu kei na nodra bula, e kuria o Radrodro

Vakadeitaka e Palimedi o Radrodro ena nona vosa tiko ena vuku ni tuvatuva vakailavo ni matanitu e vakaraitaka ni ra nanamaki kece tu na lewenivanua mera rogoca na vei ulutaga ena manata na kedra isau ni madrai kei na bata.

Kuria o Radrodro ni o ira na lewenivanua era sega ni lecaikataka na ka e dodonu me vakayacora e dua na Matanitu.

Era sa kila na lewenivanua kei na tamata yadua ni ituvatuva vakailavo ni Matanitu e rawa ni dua na ituvatuva e rairai vinaka wale tu ga.

Era sa kila deivaki tu ni veivakatorocaketaki kei na veika e soli wale tiko ena kau mai na kena isau mai na dua na vanua.

Era sa kila deivaki talega na tu ena noda veikoro vaka-Viti ni dina ni talei vei ira na kena vakatorocaketaki ni nodra gaunisala kei na wavu, era kila ni sa i tavi dina ni Matanitu kece era duri mai me ra na qarava na veiqaravi oya, e kaya.

Kuria o Radrodro ni ra sa taroga talega na lewenivanua se na sotava vakacava na matanitu na isau ni veivakatorocaketaki kece oqori.

Ena kau mai vei na kena ilavo Era sega ni vinakata mera beitaki vei ira na nodra kawa ni ra vakavuna me levu tu na dinau nodra Matanitu, e kaya o Radrodro.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.