E nona na matanitu ka noda na lewei Viti na PAFCO Viliame Gavoka | Monday, November 13, 2017

ENA macawa sa oti, au a veiwasei tiko ena veika keitou vakadikeva na komiti ni Palimedi (Economic Affairs) baleta na kabani levu na PAFCO ka nona tiko na ?cannery? e Levuka. Eda kila ni kabani oqo e nona na matanitu, ka kena i balebale ni noda na lewe i Viti.

Era lewe vuqa sara na wekada era taleitaka na veika era wilika ena Nai Lalakai baleti PAFCO e Levuka, ka'u gadreva me'u vakakuria, vakabibi ena veika vakapolotiki, ka rawa ni vakalevutaka na veika e rawata na PAFCO.

Me vaka au vakaraitaka ena macawa sa oti nira a dolava na PAFCO e Levuka, na Gone Turaga Bale na Tui Nayau, Ratu Sir Kamisese Mara ena yabaki 1976; ka rawa nida kaya, ni sa matua O Levuka ena kena qaravi na 'cannery'.

O koya oqo na tikina e vakavotukana vei au ena noqu qoroya na cecere ni veiqaravi e PAFCO; oya o ira na wekada e Ovalau kei na yatu Lomai.

Ni sa vakaoqo na matua ni qaravi tavi, e dodonu meda yalodei ka vakatubura na veiqaravi ni PAFCO ena kena e cecere sara.

Ia, na ka kece oqo ena vakatau kivei ira na noda veiliutaki; se o ira eda digitaka mera veiliutaki.

Eda rawa ni kaya ni vakatau sara ga ena noda digidigi. Ka rawa talega nida kaya ni yaga eke na polotiki.

Eso era kaya tiko me kakua ni kau mai na polotiki ena veika e baleti keda na kawa iTaukei, ia, au vakacala na vakasama vata oqo.

Ena PAFCO, eda duavata ni dodonu me vakalevutaki na veika e rawata na 'cannery'; ka sega walega ni baleti ira na wekada ena seda kei Viti, e bula talega kina na noda vanua.

E vica na gacagaca ni 'cannery; me vakavinakataki se vakalevutaki, ia, na leqa levu duadua e tiko oya na lailai ni ika.

Oqo na ika ka vakatokai me 'albacore', ka dua na kena mataqali na tuna.

E vica vata na veimataqali tuna, ia, na kena e yavutaki kina na 'cannery' e Levuka oya na kena oqo na 'albacore'.

E volitaki e Mereke na veika e vakarautaka o PAFCO, ka kena sara ga era gadreva na makete oya na mataqali tuna oqo.

Na 'albacore' e kunei ga vakalevu ena veiwasawasa volekata na 'equator', me vakataka na wasawasa e nodra na yatu Solomone, Papua Niukini, Kiribati, Tuvalu kei na so tale.

E Viti, era kena vovo ga era curuma mai na noda wasawasa, ka sa vakalawataki me kakua ni sivia na 12 'metric tons' e tagavi ena veiyabaki.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.