Vakabulabula ni qele mai Nasau Viliame Ravai | Monday, November 13, 2017

E VAKARAITAKA ko Keverieli Nairabelevu ni sega ni ra qai lomaleqataka na dautei kakana draudrau ena koro o Nasau nai vakabulabula ni qele.

E kuria o Nairabelevu ena nona i vakamacala ni dua dina na qele bulabula era teivaka tiko ka ni tiko sara ena loma ni vanua na koro vakaturaga oqo.

Keimami sega ni leqataka na tei kakana draudrau nai vakabulabula ni qele ka ni voleka tikoga qo vei keimami na kena i vakabulabula, e kaya o Nairabelevu.

A mani vakataroga na Nai Lalakai se vakabulabula cava e voleka tikoga ena nodra i teitei.

A sauma ko Nairabelevu ni ra tiko ena yasa ni koro qo mai Nasau na veiqara vatu ka ra bini tu kina na vakabulabula sa i koya na nodra benu na vei manumanu vuka era dau mai vakaruru tiko kina.

Keimami kalougata i Nasau ni rawa ni keimami dau kauta ga mai na nodra benu na beka, na lulu kei na kakalaba era dau mai vakatawana tiko na veiqara vatu vei keitou, e kaya o Nairabelevu. Ia, e vakadinadinataka talega o Senirusi Bai e dua na cauravou dauteitei kakana draudrau mai Nasau ni o koya saraga e dau vakayagataka vakalevu na benu ni manumanu vuka me nona i vakabulabula ni qele.

Niu dau vakayagataka na benu ni kakalaba e duatani saraga nai rairai ni drau ni bele, e draudrau levu vinaka ka drokadroka butobuto talega, e kaya o Bai.

Ia, vei Etuate Seru e tukuna ni dau vakayagataka o koya ena gauna e tei 'cucumber, meleni kei na vei kakana draudrau tale eso.

Na neimami vakabulabula ni qele tudei saraga ike na benu ni  manumanu mai na qara, e kaya o Seru.

Ko Seru e sega vakadua ni dau calata na veimacawa, ena nona dau mai volitaka na nona i voli ena makete levu e Suva ka ra dau veikocokocovi ga yani na lewenivanua ena vanua e volitaka tiko kina na nona kakana draudrau ena kena rairai drokadroka ka qai bulabula vinaka.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.