Vakavakarau VILIAME ODRO | Monday, December 4, 2017

TOLU ga na takete e ratou sa tuvalaka tiko na i vakalesilesi ni noda timi lewe yavitu e na gauna oqo.

E vakadeitaka mai na dau ni veivakatavulici ni timi tagane ni Suva, o Saiasi Fuli, ni vuna oya era sa digitaki kina e lewe levu na noda cauravou, me ra lewena na timi ni rakavi lewe ya vitu e na noda vanua.

E kaya o Fuli ni sa tu na vakanuinui vei iratou na lewe 12 e ratou sa gole e na i lakolako oqo ki Dubai, ni ratou na la?ki matanataka na veika e ratou sa vakavulici tiko mai kina e na gauna ni vakavakarau.

?Sa tekivu sara ga qo na i lakolako ni sotasota ni yabaki 2017 kei na yabaki 2018.

?Era sa biu vata tiko na gone vou kei iratou na qase ni timi, me ra vakatovolei tiko kina e na veisotasota e sa tu oqo e matada.

?Na vuna o ya era sa digitaki kina e lewe levu cake na i wiliwili me vakatauvatani kei na veiyabaki sa oti,? kaya o Fuli.

Tomana ni dua na i wase ni lewe ni timi e ra sa na biubiu sara tikoga e na Vakaraubuka ni macawa oqo ki na qito ki Vanuatu.

Era sema kece tikoga ki na timi levu ka ra sa vakatovolei e na qito lelevu, me ra qito kina me rawa ni matau vei ira ni se bera tiko na sotasota levu mai Ositerelia, kei na sotasota ni vuravura ka na la?ki vakayacori e Amerika e na yabaki mai oqo.

Kuria e na nona kaya ni timi vinaka e sa digitaki me ratou gole ki Dubai, ka sa tiko na vakanuinui ni ratou na la?ki rawata vinaka na nodratou qito mai kea.

Tomana ni vuqa sara na noda cauravou era sa lamata cake mai e na qito oqo, ka sega tale ni leqa na vakavulici ira, baleta ni sa curuma mai na nodra dra kei na nodra vakasama na qito lewe ya vitu.

E kaya o Fuli ni o keda na i Taukei e sega tale ni qai vakavulici vei keda na i pasipasi ni polo kei na veicebayaki, ka ni da sucu vata ga mai.

?O ira na kai valagi e vakavulici tale vei ira na veipasi kei na veivesu.

?E na noda vanua oqo ko Viti, ni da gade yani e na veikoro, e da rawa ni raici ira na gone lalai ni ra veipasitaka tiko e dua na tavaya lala, se na niu madu me nodra polo.

?Na ka ga e qai vakavulici vei keda na i Taukei, sa i koya na lawa ni qito rakavi kei na veika e vakatabui kina,? kaya o Fuli.

Sa tu na nona vakanuinui o Fuli ni na dua na sara qito vinaka eda na sarava e na macawa oqo, ka sa kerekere tu ga yani na dauniveivakatavulici ni timi ni Suva, oqo vei kemuni na lewe i Viti ko ni vakaitikotiko mai valagi, kei kemuni na tiko e na noda vanua, me da domodua e na masulaki iratou na cauravou na la?ki sotava tiko na raravisa e na loma ni rara, ka me veiliutaki duadua ga na noda Kalou e na vukudratou.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.