Gole ki Vanuatu e 12 na daulavekabi ni Viti VILIAME RAVAI | Monday, December 4, 2017

ESA na vakauta tiko e 12 na daulavekabi kei na tolu na i vakalesilesi ki Port Vila e Vanuatu na timi ni Viti me na vakaitavi tiko ena sotasota ni Pasivika (2017 Pacific Mini Games) ena yabaki qo. Qo esa qai dua na i wiliwili levu ni timi ni lavekabi me biuta na noda vanua ki na sotasota ki vanuatani.

Na sotasota qo e vukea na kena tarai cake na nodra qito na noda daulavekabi ena kena vakarautaki na sotasota ni qito ni Commonwealth ena 2018, ?Oceania Championships?, ?Youth Olympic Games? kei na ?World Championships?.

E vakaraitaka na kena manidia ko Ritesh Ratiram ni nodratou porokaramu ni tarai cake ni timi qo esa mua donu tiko.

E tukuna o Ratiram ni ra tiko e levu na nodratou dauqito gone ka tiko vinaka na nodra taledi ka rawa ni ra vakaitavi ena veisisivi kei ira na nodratou dauqito rogo ena noda vanua ka vaka kina ena qito mai Vanuatu.

Na gauna e vakayacori kina na qito mai Vanuatua ena vakayacori tale tikoga kina na sotasota ni ?World Championship? mai Amerika.

E ratou na la?ki vakaitavi tiko ena sotasota mai Anaheim na daulavekabi rogo ni noda vanua oya ko Manueli Tulo, Apolonia Vaivai kei Joe Vueti ni bera ni ratou na qai gole ka la?ki tomani ratou na noda daulavekabi ki Vanuatu.

Ia, e na vuka vakadodonu ki Port Vila e Vanuatu ko Eileen Cikamatana me na la?ki tomani iratou na timi ni Viti. E na namaka o Viti me na veiqati vinaka kei na timi ni Samoa, Papua New Guinea, New Zealand, Kiribati kei Nauru.

Timi-

Tagane: 1. Manueli Tulo - 56kilokaramu 2. Poama Qaqa - 62kilokaramu 3. Patrick Veidreyaki - 77kilokaramu 4. Tevita Tawai - 77kilokaramu

5. Taniela Rainibogi - 85kilokaramu.

Yalewa: 1. Seruwaia Malani - 48kilokaramu

2. Arieta Mudunavoce - 53kilokaramu 3. Sofia Kinikinilau - 58kilokaramu 4. Maria Mareta - 58kilokaramu 5. Maria Liku - 63kilokaramu

6. Apolonia Vaivai - 69kilokaramu 7. Eileen Cikamatana - 90kilokaramu

Vakailesilesi :

Manidia - Ritesh Ratiram, Dauveivakatavulici- Joe Vueti, Vukevuke ni dauniveivakatavulici- Julia Timi.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.