Me dei nomu vakabauta Vola o LEKIMA LAWENITOAKULA | Monday, December 4, 2017

AISEA 2: 3NI na lako yani mai saioni na i Vunau kei na Vosa i Jiova mai Jerusalemi.

For out of Zion shall go forth the Law and the Word of the Lord from Jerusalem.

Ki MItzion Tetzei Tora Udivar- Adonai Mirushalayim

Ni sa bula vinaka tale mai na wekaqu lomani mai na veiyasai Viti.

Ni sa bula vinaka talega mai oi kemuni kece sara na noda ka ko ni vakaitikotiko mai na veivanua tani ko ni dau vakamuria tiko mai na noda tutuna oqo ena veimacawa.

Au sa kidavaki kemuni kece tiko yani oqo ena yaca talei ni goneturaga ko Jisu Karisito.

Ni sa bula kece mai.

Sa ara na yadra.

Joni 6: 35

?A sa kaya vei ira ko Jisu, Koi au na madrai ni bula; ko koya sa lako mai vei au, ena sega ni via kana; ia ko koya sa vakabauti au, ena sega ni via gunu tale.?

Kemuni na wekaqu ni kua sa i ka 29 ni siga ni vula o Noveba, esa vo vinaka ga oqo e 26 na siga meda sa yacova yani na siga talei e dau na ka tu ko vuravura me yacova- sai koya na Siganisucu nei Jisu.

E kila tu ko vuravura ni goneturaga ko Jisu Karisito e sucu ena koro lailai oqo ko Peceliema.

Na vosa oqo- ?Peceliema? sa kena i balebale na vale ni madrai.

Vakavavalagi, - the House of Bread.

Vaka- Iperiu na ?Bethlecham.?

Na ?Beth? na kenai balebale na vale, na vosa oqo na ?lecham? na kenai balebale na madrai.

Na vale ni madrai dina e tu oqo e vuravura ena sega ni na rauti keda se rauti vuravura. E dua ga na vale ni madrai e tiko, e na rawa ni na vakani vuravura vakavinaka. Ena sega ni na lailai vakadua ena dua na gauna na madrai ena solia.

Kemuni na wekaqu na valenimadrai oqo sai koya na Goneturaga ko Jisu Karisito.

O koya esa tukuni koya tikoga vakamatata ena Joni 6:35- Ko i au na madrai ni bula ko koya sa lako mai vei au, e na sega ni viakana.

Maciu 11:28- Dou lako mai vei au, oi kemudou vakayadua sa oca ka colata nai colacola bibi, ia kau na vakacegui kemudou.

Ko Jisu na valenimadrai naba dua ena ruku ni matanisiga oqo. Na valenimadrai oqo e tilomi vuravura taucoko. Ni ko lako yani vua vata kei na nomu leqa cavaga, o koya ena sotavi iko. Ena vakacegui iko o koya ena vakalougatataki iko ka vakabulai iko.

E osodrigi sara tikoga oqo ko Peceliema mai vei ira na kai vuravura kecega me ra la?ki butuka, taleva, raica ka vakadinadinataka saraga na vanua e a sucu kina nai Vakabula.

Meda vakadeitaka tikoga na noda vakabauta na Goneturaga ko Jisu Karisito ni sa i koya sa tekivuna ka na vakacavara talega nai lakolako oqo. Emeni.

Vosa vaka-Iperiu me da vulica:

1)a lot-harbe

2)not a lot-loharbe

3)correct-nakhon

4)not correct-lo nakhon.

Naba ni talevoni: 9204915/9590439/7598788.

Ena qai tomani tale yani.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.