Domo ni Parofisai mai na Lotu i Kavitu ni Lesu Vakarua Mai VILIAME RAVAI | Monday, December 4, 2017

ESA koto oqo e ra nai kuri ni itukutuku ni Domo ni Parofisai mai na Lotu ni Kavitu ni Lesu Vakarua Mai, ni wiliwili sara yani.

13. Ni sa oti na Nona veibuli na Kalou, a cava e vakayacora e na mua ni macawa?

?A sa buli oti na lomalagi kei vuravura, kei na lewena kecega. Ia, e na kena i kavitu ni siga sa vakaotia na Kalou na nona cakacaka sa kitaka ko Koya; a sa vakacegu ko Koya ena i kavitu ni siga mai na nona cakacaka kecega sa kitaka ko Koya.

A sa vakalougatataka na kena i kavitu ni siga na Kalou ka vakatabuya; ni sa vakacegu kina mai na Nona cakacaka kecega sa bulia na Kalou ka kitaka.? Vakatekivu 2:1-3.

Ni sa oti na cakacaka ni veibuli sa ?vakacegu na Kalou e na kena i kavitu ni siga, a sa vakalougatataka, ka vakatabuya.?

Era laga sere na agilosi kei ira na lewe ni veivuravura tale eso. Era marautaka na lagilagi, kei na kena totoka ni Nona veibuli na Kalou.

Na noda i tavi vua na Dauveibuli

14. Me vakaevei na noda i tovo ni vakanananu Vua na Kalou na Dauveibuli? A cava me da vakananuma kina vakaoqo?

?Mo nanumi Koya ka buli iko, ni ko sa cauravou tiko.? Dauvunau 12:1.

E vakaraitaka eke me da dau nanumi Koya ka buli keda e na gauna ni noda se bulabula.

Oqo sara ga na kena gauna mo ni vakatekivutaka kina na nomuni vakabauti Koya.

Kevaka ko ni sa na vakayacora oqo e na taqomaka na vo ni gauna taucoko ni nomuni bula ko Koya.

Kevaka ko ni sa na vakayacora oqo e na taqomaka na vo ni gauna taucoko ni nomuni bula ko Koya.

Eso era dau waraka saraga na gauna ni ra sa tauvimate kina, se mate e dua na wekadra me ra qai kerekere kina vua na Kalou.

Eso era waraka sara na gauna me ra qase kina.

Na noda Kalou e gadreva saraga e na gauna oqo me da vakabauti Koya, ka me liutaki keda ko Koya.

15. E na rawarawa beka me da kila na gagadre ni Kalou ena vukuda?

?Ni ko sa kila na i Vola Tabu ni ko a gone, oqori sa vakavukui iko rawa mo bula, ni ko sa vakabauti Karisito Jisu.? 2 Timoci 3:15.

E na rawarawa sara talega ni dua na gone lailai me kila na i Vola Tabu. Kevaka ko ni vulica vakavinaka, e na rawa mo ni raica kina na ka e gadreva na Kalou ena nomuni bula.

16. A cava e vinakata na Kalou me da vakayacora?

?Tou rogoca nai tinitini ni ka kecega oqo: Mo rerevaka na Kalou, ka muria na nona vunau; ni sa i koya ga oqo nai tavi taucoko ni tamata.? Dauvunau 12:13.

Na Kalou e buli keda, ka lomani keda. E dodonu talega me da lomani Koya, talairawarawa vua, ka vakabauti Koya.

E kila ko Koya na veika e se tu mai liu, kei na ka e na vinaka vei keda.

E na tuberi kemuni me vaka na tama ka tubera na luvena, ka na vakaraitaka ko koya na veika e vinaka moni vakayacora. Oqo sara ga na kena gauna mo ni kerei Koya e na Nona veivuke ko ni gadreva.

E na vukei kemuni mo ni muri Koya ka talairawarawa vua. Sa waraki kemuni tiko mo ni kerekere yani vua ena masu.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.