Sega na i ulubale: Qiliho UNAISI RATUBALAVU | Monday, December 4, 2017

ERA sa vakasakei oti e vica na ovisa era cala ena nodra kunei ni ra dau mokuti ira na watidra se na lewe ni vuvale, e vakaraitaka na veika oqo na i Liuliu ni Tabacakacaka ni Ovisa o Birikadia Sitiveni Qiliho.

Ena vica na siga oqo eda na vakananuma tiko kina e Viti na veika era dau lako curuma na marama se na gone ena loma ni bula voravora ni vakawati kei na vuvale, ka levu na yalewa era se dau sotava tikoga eso na i tovo kaukauwa ena loma ni nodra bula vakawati.

Vakadeitaka o Qiliho ni sa matata tu vei ira kece na ovisa ni dua e sa kune se laurai ni cala ena nodra vakararawataka se vakamavoataka na watidra se luvedra, era sa na sivo se vakasakei mai na nodra cakacaka ena Tabacakacaka ni Ovisa.

Tukuna ni sega tale ni ra na qai vosoti se vakalutuki na kisi vakaoqo ena gauna e kau cake yani kina ki valenivolavola liu ni ovisa.

E sa dau vosa tiko vakawasoma ena tikina oqo o Qiliho ka kaya ni ra sa kila talega na ovisa kece e Viti na lawa ni cakacaka oqo, ka sa bibi kina na nodra vakamuria na veika e sa virikotori mai ena ulu ni veiliutaki ni ovisa.

Ena mataivalu ni noda vanua, vakadeitaka talega o Kanala Jone Kalouniwai, ni tiko talega na lawa oqo ena mataivalu, ni rawa ni na sake mai na nona cakacaka e dua na sotia ke laurai ni dau vakayacora tiko na i tovo kaukauwa vua na nona lewenivale se vei ira na luvena.

E kaya ni sa tiko talega na lawa me dau muri, ka dau kau ki na Tabana ni Ovisa me ratou dau vakayacora na nodratou veivaqaqai ena kisi ni veivakalolomataki vei ira na marama kei na gone.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.