Na i tovo me na kilai kina na i Taukei UNAISI RATUBALAVU | Monday, December 4, 2017

E sa luluqa sara tiko na nodra kila na marama i Taukei na cakacaka ni liga me vaka na tali ibe ena gauna nikua.

Oqori na veika e vakaraitaka o Mere Nawaibuli, e dua na  vakailesilesi mai na valenivolavola ni yasana o Rewa ena Soqosoqo vakamarama ena nona laki vulagi dokai ena nodra vakaraitaki cakacaka ni liga na marama ni koro o Narocake,  na Vanua o Noco e Rewa.

E vakavinavinakataka o Nawaibuli na vakasama e bucini mai ena soqosoqo ni marama ena kena sagai me ra vakatavulici na marama era vakawati yani ena loma ni koro oqo na tali ibe kei na cakacaka ni liga tale eso eda rawa ni vakaogai keda kina na marama.

Eratou lewe lima na marama eratou vulica na tali ibe ka vakasakiti sara na mawe ni ligadratou ena siga ni vakaraitaki cakacaka ni liga ena siga Moniti sa oti.

Vakaraitaka na i liuliu ni soqosoqo vakamarama o Sera Lavota ni dua na gauna vinaka vei ira ka levu sara na ka era vulica mai vua na nodra qasenivuli, o Siteri Saumoi.

E rauta ni 10 vakacaca na ibe era mai vakaraitaka na marama ena loma ni valevakoro, ka ra vakaraitaka talega na nodra cakacaka ni liga, oya na kena vakayacori na kesakesa ena i sulu- ka rawa ni cula kina na nodra vinivo ni kalavata, na jaba kei na sote.

Ena macawa talega oqo, tukuna o Lavota nira na gade  ki na yasayasa vaka- Ra na marama ni Narocake ena nodra vakavinavinakataka na veika era sa mai rawata ena loma ni dua na yabaki.

E na yabaki mai oqo, era sa tuvana tale tiko na soqosoqo ni marama e Narocake ni na levu sara na veika vinaka era na cakacaka vata kina ena vuku ni kena vakabulabulataki na i tovo ni marama ni Viti, oya na tali ibe, kei na cakacaka ni liga tale eso e dodonu me na kila e dua na marama ni Viti.

? Ka kena i lutua ga me na vakayacori tu e so na cakacaka ni liga ka sa rawa ni  vurevure ni lavo ena vuvale eda sa veiqaravi tu kina,? e kaya o Lavota.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.