Kidavaki ena domo kamica nei Mosese VILIAME ODRO | Monday, December 4, 2017

ERA marautaka na vulagi saravanua ka rauta ni ra lewe rua vakacaca na udolu na kedra i wiliwili e na waqa levu na ?Pacific Jewels? ka butuka na Siti ni Suka e na macawa sa oti.

E vakadeitaka mai na i tukutuku oqori ki na Na i Lalakai o Qasenivuli Vakacegu Iliesa Baravilala na i liuliu ni Lautoka Warf Entertainment Group.

Tomana o Baravilala ni qai kida cake mai na mataka ni siga Vakaraubuka e na macawa sa oti, sa curuma cake mai na maliwa ni yanuyanu e rua, o Vio kei Bekana, ka rau ciri koto e na i curucuru ni waqa levu e Lautoka, na waqa levu rairai totoka ni saravanua oqo.

E kaya o Baravilala ni toso tiko mai na waqa vakaitamera oqo me mai kabi e na wavu, sa voqa tu yani na domo i Mosese Baledrokadroka e na sere ni veikidavaki na ?Welcvome back to Fiji?.

?Sa dua na ka na levu ni nodra marau na vulagi saravanua, e na nodra sa osota mai na baba ni waqa, mera yaloyalo mai, ka kidavaka ni sa cabe tale e dua na siga vou.

Sobu mai ka ra dui gole sara ki na nodra dui basi, motoka saumi (taxi) kei na waqa lailai ni saravanua, mera la?ki gade kina e na loma ni siga, ni bera ni ia tale na vakavodo e na 3 na kaloko e na yakavi,? kaya o Baravilala.

Kuria ni ra marautaka sara vakalevu na saravanua na rogo sere mai vei Modjee, ka ra sarava talega na mata veivakamarautaki bula mai na koro vakaturaga ko Viseisei na ?Kabu kei Vuda Entertainment Group?

E kaya ni soqo bula, vakaciriloloma, qai vakatagatagasa ni sa tekivu mera sa vodo lesu na vulagi saravanua kei na nodra sa mai veitalatala tu e na sere rogolevu na ?Isa isa vulagi lasa dina?, kei na sere ka rogo kina na domo koula ni Naova, Jimmy Subhaidas kei na Kalokalo Cavu ni Koro Makawa, oya na ?Nodaru veitalatala, au mai duri taudua tu ko lako?

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.