Solesolevaki ga e rawata VILIAME ODRO | Monday, December 4, 2017

SA sega ni gauna ni vakawelewele oqo, vakabibi vei ira na turaga era tiko mai nakoro.

Dodonu me keimami gole vata e na i teitei, ni ra teitei tiko na turaga me ra qai rai mai muri ni sa savasava vinaka tiko na i teitei, e na vakavuna na nodra marau ka na kaukauwa sara na nodra i gu ni teitei.

E vakadeitaka tiko mai na i tukutuku oqori ki na Na i Lalakai o Adi Kaveni Naikari mai na koro ko Serea, e na yasana o Naitasiri.

E kaya o Adi Kaveni ni dina ni sa tu na wainimate ni co ca e na gauna oqo, ia, e sega ga ni sivita kevaka me wereci ga me vaka era a dau cakava mai na noda qase e na gauna e liu.

Tomana e na nona tukuna ni nodra dau solesolevaki na tubuda e na gauna e liu, e da raica ni ra bulabula vinaka, e na nodra kana ga mai na were, ka sega ni levu kina na mate sureti me vaka e sa takava tiko na noda Viti raraba e na gauna oqo.

Kuria ni gauna tale ga e liu e sega ni vakayagataki kina na veimataqali wainimate, ka sa vakayacori tiko e na gauna oqo.

E kaya na marama yabaki 56 oqo ni ratou dau vaqarai voli e na siga Vukelulu, qai mai volitaki e na makete e na siga Lotulevu.

?Kevaka au vodo mai e na keria, e na jajitaki vei au nai sau ni kako, ia, ke?u vodo ga mai e na basi, au na sauma ga na noqu i vodovodo ni basi.

?Qo au kauta ga mai e vica na i vutu dalo, na vudi kei na dalo ka tawa i taga me mai tuva.

?Na baigani kei na kiukaba, au volitaka tiko qo, au qai mai volia ga vei ira na kai Idia e ra gole mai Nadroga,? kaya o Adi Kaveni.

Tomana ni sau ni dalo e na gauna oqo, e sa vinaka cake sara mai na sau ni dalo era se dau volitaka e na gauna e liu.

Tinia na nona i talanoa o Adi Kaveni ni lavo e rawati e na nona volivolitaki e yaga sara ki na bula ni matavuvale, na veika e lavaki mai na lotu kei na vanua.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.