Volitaki ni oti na veitautaki vili maqo VILIAME ODRO | Monday, December 4, 2017

?Keimami dau veitautaka na vili maqo ni se bera ni katakata mai na matanisiga e na mataka lailai?.

E vakadeitaka toka mai na i tukutuku oqori o Timaima Navurusa na marama ni Nadarivatu e na yasana o Ra.

Kaya o Timaima ni se bera na katalau era sa dau sou yani vakamataka ki na veimaqo, ia, e rawa ni rua na siga na nodra beti maqo, ra qai gole mai ki Suva.

Tomana na marama yabaki 28 oqo ni sau ni keria mai Tavua ki Suva e rawa ni tiko e na $250 dua na tirivu.

E kuria o Timaima ni rawa ni rau lewe rua ga na tamata e rau jajitaka mai e dua na keria, ka ra mai volitaki maqo tiko e Suva me siga dua se siga rua e ra sa qai lesu cake tale ki nakoro.

?So na gauna rawa ni tara sara tiko na $280 ki na $300 dua na tirivu ni keria mai Tavua ki Suva.

?Keimami dau beti maqo ga vakadua e na dua na yabaki, me donumaka sara tikoga na vula ko Okotova kina vula ko Tiseba, ka so na gauna e rawa ni la?ki yacova tale na vula ko Janueri ni yabaki ka tarava,? kaya o Timaima

Kuria ni gauna oqo e sa i ka lima ni gauna e mai volitaki maqo kina oqo e na Siti ko Suva.

?Au vakavinavinaka ga vakalevu vua na Kalou na Tamada, e na kena sa vua tu ga na maqo ni yasayasa vaka-Ra, ka sa rawa tiko kina na i vurevure ni neimami i lavo.

?Na i lavo kece au rawata e na volitaki maqo, e vagolei sara ga vakatabakidua ki na bula ni noqu vuvale, na veika e lavaki mai na lotu kei na vanua,? kaya o Tima.

Home | Top
Nai Lalakai Online background
FIJI'S iTaukei language newspaper Nai Lalakai went online on March 2nd, 2012, as it celebrated its 50th anniversary. Nai Lalakai editor Anare Ravula said this was a major milestone being the first iTaukei newspaper in the world to go online.
"This will be a great advantage for locals living overseas, particularly our readers who are soldiers and Fijians serving in the British Army," Mr Ravula said.
"I am delighted with it, it's a major project and it is a major achievement for the newspaper and greater service to our readers offshore," The Fiji Times publisher Hank Arts said. "I think the people will love it," he said.
The Fiji Times editor-in-chief Fred Wesley voiced similar sentiments and added uploading the vernacular newspaper online was part of The Fiji Times' service to its readers.
"We hope this site will assist our readers in terms of helping them understand and value the iTaukei language, culture and traditions," Mr Wesley said.